MGA BUWAYA SA KATIHAN
dapat ikulong ang mga buwaya sa katihan
lalo na't sila'y nangunguna sa katiwalian
bagamat ginagalang ang kanilang karapatan
sila'y dapat managot sa kanilang kasalanan
sino pa nga ba ang mga trapong dapat makulong
kundi yaong sa kaban ng bayan ay nandarambong
kumbaga sa droga, sa pagnanakaw nalululong
sa paglilingkod ba sa bayan sila'y nabuburyong?
bago kumandidato, pag-aari nila'y konti
nang manalo't pumuwesto na'y giri na ng giri
aba, ngayon nga'y kayrami na nilang pag-aari
mukhang sa katiwalian nagmula ang salapi
dapat ibagsak ng tuluyan ang gahamang trapo
ang serbisyo sa bayan ay ginawa nang negosyo
- gregbituinjr.
Sabado, Agosto 31, 2019
Kapitalismo'y kailan ba nila ibabagsak?
KAPITALISMO'Y KAILAN BA NILA IBABAGSAK?
patuloy na pinipiga nitong kapitalismo
ang lakas-paggawa ng masisipag na obrero
tuwang-tuwa't limpak na tubo'y iaakyat nito
nang kamtin daw ng kumpanya ang tunay na progreso
sa historya, obrero'y mga sahurang alipin
na pag di raw sila gumawa'y walang kakainin
dapat bumalik bukas upang trabaho'y tapusin
magkayod-kalabaw sila hanggang ang kota'y kamtin
di mabayarang-tama ang lakas-paggawa nila
kumakayod sa ilalim ng bulok na sistema
di pa makita ng obrerong binubuhay pala
nila'y mga tuso't halimaw na kapitalista
kailan malalamang sila'y aliping sahuran
hirap na hirap na'y di masabing nahihirapan
pagkakaisa ng uring manggagawa'y kailan
sa ganid na kapitalismo'y kailan lalaban
dapat mabatid nilang kapitalismo'y bulagsak
tinuturing ang obrero'y makina't mga tunggak
mababa ang sahod, kapitalista'y naninindak
kapitalismo'y kailan ba nila ibabagsak?
- gregbituinjr.
patuloy na pinipiga nitong kapitalismo
ang lakas-paggawa ng masisipag na obrero
tuwang-tuwa't limpak na tubo'y iaakyat nito
nang kamtin daw ng kumpanya ang tunay na progreso
sa historya, obrero'y mga sahurang alipin
na pag di raw sila gumawa'y walang kakainin
dapat bumalik bukas upang trabaho'y tapusin
magkayod-kalabaw sila hanggang ang kota'y kamtin
di mabayarang-tama ang lakas-paggawa nila
kumakayod sa ilalim ng bulok na sistema
di pa makita ng obrerong binubuhay pala
nila'y mga tuso't halimaw na kapitalista
kailan malalamang sila'y aliping sahuran
hirap na hirap na'y di masabing nahihirapan
pagkakaisa ng uring manggagawa'y kailan
sa ganid na kapitalismo'y kailan lalaban
dapat mabatid nilang kapitalismo'y bulagsak
tinuturing ang obrero'y makina't mga tunggak
mababa ang sahod, kapitalista'y naninindak
kapitalismo'y kailan ba nila ibabagsak?
- gregbituinjr.
Biyernes, Agosto 30, 2019
Tula hinggil sa tagapagpadaloy
TULA HINGGIL SA TAGAPAGPADALOY
ni Greg Bituin Jr.
1
tagapagpadaloy - tulad sa bangka, tagatimon
sa aktibidad upang umayos at naaayon
sa takdang adhika at layuning napapanahon
nang sa mga isyu’t problema'y agad makatugon
2
at siya’y kumikilos din bilang tagasuporta
sa gawain, maiayos ang daloy ng programa
naglalatag din ng tiwala sa nakakasama
nang mapalitaw ang mga malikhaing ideya
3
dapat umiral ang tiwala at pagiging bukas
nang mabuo ang istratehiyang magpapalakas
sa kanila't mayroon ding planong magpapagilas
upang makatugon sa isyu’t problemang namalas
4
impormasyon hinggil sa puntiryang grupo'y malaman
upang likhain ang motibasyon at kamalayan
upang magkaroon din ng kumpiyansa ang tanan
upang tukoy na problema'y mabigyang katugunan
5
may kampanyang motibasyon ang tagapagpadaloy
alamin ang problemang magdadala sa kumunoy
upang malutas na ang isyu’t problemang natukoy
at mga kalahok ay bigyang inspirasyon tuloy
6
mabuhay ang tagapagpadaloy sa papel nila
nang makatugon ang mga kalahok sa problema
mabuhay ang pagbibigay inspirasyon sa masa
nang mabuo ang tiwalang malutas ang problema
* Inihanda ng makata para sa Training of Trainers (ToT) ng programang Building Safe, Sustainable, Resilient Communities (BSSRC) ng Philippine Movement for Climate Justice (PMCJ), Agosto 31, 2019
ni Greg Bituin Jr.
1
tagapagpadaloy - tulad sa bangka, tagatimon
sa aktibidad upang umayos at naaayon
sa takdang adhika at layuning napapanahon
nang sa mga isyu’t problema'y agad makatugon
2
at siya’y kumikilos din bilang tagasuporta
sa gawain, maiayos ang daloy ng programa
naglalatag din ng tiwala sa nakakasama
nang mapalitaw ang mga malikhaing ideya
3
dapat umiral ang tiwala at pagiging bukas
nang mabuo ang istratehiyang magpapalakas
sa kanila't mayroon ding planong magpapagilas
upang makatugon sa isyu’t problemang namalas
4
impormasyon hinggil sa puntiryang grupo'y malaman
upang likhain ang motibasyon at kamalayan
upang magkaroon din ng kumpiyansa ang tanan
upang tukoy na problema'y mabigyang katugunan
5
may kampanyang motibasyon ang tagapagpadaloy
alamin ang problemang magdadala sa kumunoy
upang malutas na ang isyu’t problemang natukoy
at mga kalahok ay bigyang inspirasyon tuloy
6
mabuhay ang tagapagpadaloy sa papel nila
nang makatugon ang mga kalahok sa problema
mabuhay ang pagbibigay inspirasyon sa masa
nang mabuo ang tiwalang malutas ang problema
* Inihanda ng makata para sa Training of Trainers (ToT) ng programang Building Safe, Sustainable, Resilient Communities (BSSRC) ng Philippine Movement for Climate Justice (PMCJ), Agosto 31, 2019
Bakit kami mga aktibista: Bukas na liham sa lahat ng magulang
Bakit kami mga aktibista: Bukas na liham sa lahat ng magulang
Philippine Daily Inquirer, Agosto 29, 2019
Malayang salin mula sa Ingles ni Greg Bituin Jr.
Walang alinlangang tayo'y nasa panahon ng ligalig. Lahat ng hintuturo mula sa pamahalaan at masmidya ay tila nakaturo sa mga estudyanteng aktibista bilang "salot ng bayan" sa pinakamabuti, at tagakalap ng kasapi ng rebeldeng grupong komunista sa pinakamasahol. Alam naming maaari ninyong maramdamang dapat ninyo kaming protektahan mula sa galamay ng ating kasundaluhan, kapulisan, at iba pang elemento ng estado sa pamamagitan ng pagsira ng aming loob mula sa pagtungo sa mga lansangan... ngunit nais naming maglaan kayo ng panahon upang maunawaan kung bakit sa pangunahin ay naging aktibista ang inyong mga anak.
Nananahan ang inyong mga anak sa daigdig kung saan sa bawat sulok ng kanilang mga mata, ay napapalibutan sila ng mga resulta ng isang lipunang hinati-hati ng di mapigil na kapitalismo.
Sa kanang bahagi nila, nahaharap sila sa mga pulitikong hindi iniisip ang mga taong dapat nilang paglingkuran. Oras-oras, binibigo sila ng mga taong ginawang karera ang serbisyo-publiko, ang pangunahing gawain nila'y pagsilbihan ang elitistang iilan: ang mga kapitalista, mga asendero at dayuhang kapitalista at pulitiko. Sa mga lansangan, pagala-gala sa paligid ang mga elemento ng estado upang patayin ang mga walang malay na mamamayang dukha, gumagamit man ang mga ito ng droga o hindi, sa ngalan ng digmaan laban sa droga na nagsisilbing balatkayo para sa katangiang kontra-maralita nito. Sa aming magandang katangian, pinipiga ng malalaking multinasyunal na kumpanya ng pagmimina ang mga lupa hanggang matuyo ito sa likasyaman habang nagsisilikas ang daan-daan hanggang libu-libong naninirahan doon. At higit sa lahat, sa tuktok ng ating sistemang pampulitika, mayroon tayong pinakabastos, mapagkunwari, elitistang reptilo, tulad ni Pangulong Duterte, na pinahintulutang mangyari ang lahat ng mga kagaguhang ito sa pama
magitan ng pagtatanggol sa kasalukuyang kaayusang labis na mapang-api at hindi demokratiko.
Sa kanilang kaliwa naman, nahaharap sila sa malawak na uri ng masang manggagawa, na sa pinakamalalang kalagayan ay tumindig at sama-samang ipinaglaban ang kanilang mga karapatan sa isang lipunang mapang-api na pinamamahalaan ng iilan. Mula sa mga unyon sa paggawa at mga grupo ng kababaihan hanggang sa mga grupong makakalikasan, mga pangkat ng LGBTQ + at marami pang mula sa inaaping sektor sa lipunan; na inilarawan ng mga kakila-kilabot na pangyayaring dinala ng pasistang administrasyong Duterte, ipinagtatanggol nila ang kanilang mga karapatan laban sa lahat ng anyo ng karahasang idinulot sa kanila - maging ito'y propaganda ng kasinungalingan, digmaang sikolohikal o pisikal na karahasan. Kahit na sila'y maaaring maging malakas, sila'y kulang sa bilang at napaglalangan ng malakas ng kaaway na tangan ang kayraming pera at pampulitikang puhunan upang mahadlangan ang karamihan sa kanilang makatarungan at lehitimong panawagan.
Sa isang lipunan ng mapagsamantala at pinagsasamantalahan, kaninong panig ang pipiliin mo? Ito ang batayang katanungang kinakaharap naming mga estudyanteng aktibista sa araw-araw.
Lumahok kami ng tiyakan sa aktibismo ng mga estudyante dahil sa aming mga natutunan sa umpisa pa lang: na kami'y tinuruang mahalin ang ating kapwa’t kababayan at manindigan kung ano ang tama.
Maaaring di namin ganap na maunawaan ang bawat isa, ngunit inaasahan naming mauunawaan ninyong mas malaki pa sa amin ang aming ipinaglalaban bilang mga estudyanteng aktibista. Inaasahan namin na isang araw — sa sandaling matapos na ang pakikibaka, at ang dating daigdig ng karahasan, kasakiman at pang-aapi ay mapalitan ng isang daigdig ng tunay na kapayapaan, pag-ibig at pagpapalakas sa mamamayan - magagawa na ninyong lingunin kaming muli, kaming inyong mga anak, at mapuno ng pagmamalaki dahil sa aming mga nagawa.
SAMAHAN NG PROGRESIBONG KABATAAN,
progresibongkabataan@gmail.com
https://opinion.inquirer.net/123599/why-we-are-activists-an-open-letter-to-all-parents
Why we are activists: An open letter to all parents
Philippine Daily Inquirer
August 29, 2019
These are undoubtedly scary times. All fingers from our government and mass media seem to point to student activists as “salot ng bayan” at best, and recruiters for communist insurgent groups at worst. We know that you may feel that you have to protect us from the hands of our military, police and other state elements by discouraging us from taking to the streets… but we wish you would take time to understand why your children have become activists in the first place.
Your children live in a world where in each corner of their eyes, they are surrounded by the results of a society that has been divided by unbridled capitalism.
On their right, they are faced with politicians who think nothing of the people they are supposed to serve. Time after time, they are failed by those who’ve made public service a career, the primary trade of which is serving the elite minority: capitalists, hacienderos and foreign capitalists and politicians. On the streets, state elements roam around to kill unsuspecting poor citizens, whether they are drug users or not, under the name of a drug war that serves as a guise for its antipoor nature. In our beautiful nature, massive multinational mining companies suck the earth dry of resources at the expense of displacing hundreds up to thousands of people. And to top it all off, at the top of our political system, we have the most vile, misogynistic, elitist reptiles, such as President Duterte, who enable all these atrocities to happen by defending a status quo that is profoundly oppressive and undemocratic.
On their left, they are faced with the vast ranks of the toiling masses, who in the worst of conditions have stood up and fought for their rights collectively in an oppressive society ruled by the few. From labor unions and women’s groups to environmental groups, LGBTQ+ groups and more from the oppressed sectors in society; animated by the dire circumstances brought upon by the fascist Duterte administration, they defend their rights against all forms of violence inflicted upon them—whether it be black propaganda, psychological warfare or physical violence. Though they may be strong, they are outnumbered and overpowered by an enemy who has all the money and political capital to thwart most of their just and legitimate calls.
In a society of oppressors and oppressed peoples, whose side will you choose? This is the basic question that we as student activists are faced with every day.
We engage in student activism precisely because of what we’ve been learning from the very start: that we’ve been taught to love our fellow countrymen and stand for what is right.
We may not ever come fully to understand each other, but we hope you understand that what we fight for as student activists is greater than us. We hope one day—once the struggle has ended, and the old world of violence, greed and oppression has been replaced by a world of genuine peace, love and empowerment—you will be able to look back at us, your children, and be filled with pride for what we’ve done.
SAMAHAN NG PROGRESIBONG KABATAAN,
progresibongkabataan@gmail.com
Bakit kami mga aktibista: Bukas na liham sa lahat ng magulang
Bakit kami mga aktibista: Bukas na liham sa lahat ng magulang
Philippine Daily Inquirer, Agosto 29, 2019
Malayang salin mula sa Ingles ni Greg Bituin Jr.
Walang alinlangang tayo'y nasa panahon ng ligalig. Lahat ng hintuturo mula sa pamahalaan at masmidya ay tila nakaturo sa mga estudyanteng aktibista bilang "salot ng bayan" sa pinakamabuti, at tagakalap ng kasapi ng rebeldeng grupong komunista sa pinakamasahol. Alam naming maaari ninyong maramdamang dapat ninyo kaming protektahan mula sa galamay ng ating kasundaluhan, kapulisan, at iba pang elemento ng estado sa pamamagitan ng pagsira ng aming loob mula sa pagtungo sa mga lansangan... ngunit nais naming maglaan kayo ng panahon upang maunawaan kung bakit sa pangunahin ay naging aktibista ang inyong mga anak.
Nananahan ang inyong mga anak sa daigdig kung saan sa bawat sulok ng kanilang mga mata, ay napapalibutan sila ng mga resulta ng isang lipunang hinati-hati ng di mapigil na kapitalismo.
Sa kanang bahagi nila, nahaharap sila sa mga pulitikong hindi iniisip ang mga taong dapat nilang paglingkuran. Oras-oras, binibigo sila ng mga taong ginawang karera ang serbisyo-publiko, ang pangunahing gawain nila'y pagsilbihan ang elitistang iilan: ang mga kapitalista, mga asendero at dayuhang kapitalista at pulitiko. Sa mga lansangan, pagala-gala sa paligid ang mga elemento ng estado upang patayin ang mga walang malay na mamamayang dukha, gumagamit man ang mga ito ng droga o hindi, sa ngalan ng digmaan laban sa droga na nagsisilbing balatkayo para sa katangiang kontra-maralita nito. Sa aming magandang katangian, pinipiga ng malalaking multinasyunal na kumpanya ng pagmimina ang mga lupa hanggang matuyo ito sa likasyaman habang nagsisilikas ang daan-daan hanggang libu-libong naninirahan doon. At higit sa lahat, sa tuktok ng ating sistemang pampulitika, mayroon tayong pinakabastos, mapagkunwari, elitistang reptilo, tulad ni Pangulong Duterte, na pinahintulutang mangyari ang lahat ng mga kagaguhang ito sa pama
magitan ng pagtatanggol sa kasalukuyang kaayusang labis na mapang-api at hindi demokratiko.
Sa kanilang kaliwa naman, nahaharap sila sa malawak na uri ng masang manggagawa, na sa pinakamalalang kalagayan ay tumindig at sama-samang ipinaglaban ang kanilang mga karapatan sa isang lipunang mapang-api na pinamamahalaan ng iilan. Mula sa mga unyon sa paggawa at mga grupo ng kababaihan hanggang sa mga grupong makakalikasan, mga pangkat ng LGBTQ + at marami pang mula sa inaaping sektor sa lipunan; na inilarawan ng mga kakila-kilabot na pangyayaring dinala ng pasistang administrasyong Duterte, ipinagtatanggol nila ang kanilang mga karapatan laban sa lahat ng anyo ng karahasang idinulot sa kanila - maging ito'y propaganda ng kasinungalingan, digmaang sikolohikal o pisikal na karahasan. Kahit na sila'y maaaring maging malakas, sila'y kulang sa bilang at napaglalangan ng malakas ng kaaway na tangan ang kayraming pera at pampulitikang puhunan upang mahadlangan ang karamihan sa kanilang makatarungan at lehitimong panawagan.
Sa isang lipunan ng mapagsamantala at pinagsasamantalahan, kaninong panig ang pipiliin mo? Ito ang batayang katanungang kinakaharap naming mga estudyanteng aktibista sa araw-araw.
Lumahok kami ng tiyakan sa aktibismo ng mga estudyante dahil sa aming mga natutunan sa umpisa pa lang: na kami'y tinuruang mahalin ang ating kapwa’t kababayan at manindigan kung ano ang tama.
Maaaring di namin ganap na maunawaan ang bawat isa, ngunit inaasahan naming mauunawaan ninyong mas malaki pa sa amin ang aming ipinaglalaban bilang mga estudyanteng aktibista. Inaasahan namin na isang araw — sa sandaling matapos na ang pakikibaka, at ang dating daigdig ng karahasan, kasakiman at pang-aapi ay mapalitan ng isang daigdig ng tunay na kapayapaan, pag-ibig at pagpapalakas sa mamamayan - magagawa na ninyong lingunin kaming muli, kaming inyong mga anak, at mapuno ng pagmamalaki dahil sa aming mga nagawa.
SAMAHAN NG PROGRESIBONG KABATAAN,
progresibongkabataan@gmail.com
https://opinion.inquirer.net/123599/why-we-are-activists-an-open-letter-to-all-parents
Why we are activists: An open letter to all parents
Philippine Daily Inquirer
August 29, 2019
These are undoubtedly scary times. All fingers from our government and mass media seem to point to student activists as “salot ng bayan” at best, and recruiters for communist insurgent groups at worst. We know that you may feel that you have to protect us from the hands of our military, police and other state elements by discouraging us from taking to the streets… but we wish you would take time to understand why your children have become activists in the first place.
Your children live in a world where in each corner of their eyes, they are surrounded by the results of a society that has been divided by unbridled capitalism.
On their right, they are faced with politicians who think nothing of the people they are supposed to serve. Time after time, they are failed by those who’ve made public service a career, the primary trade of which is serving the elite minority: capitalists, hacienderos and foreign capitalists and politicians. On the streets, state elements roam around to kill unsuspecting poor citizens, whether they are drug users or not, under the name of a drug war that serves as a guise for its antipoor nature. In our beautiful nature, massive multinational mining companies suck the earth dry of resources at the expense of displacing hundreds up to thousands of people. And to top it all off, at the top of our political system, we have the most vile, misogynistic, elitist reptiles, such as President Duterte, who enable all these atrocities to happen by defending a status quo that is profoundly oppressive and undemocratic.
On their left, they are faced with the vast ranks of the toiling masses, who in the worst of conditions have stood up and fought for their rights collectively in an oppressive society ruled by the few. From labor unions and women’s groups to environmental groups, LGBTQ+ groups and more from the oppressed sectors in society; animated by the dire circumstances brought upon by the fascist Duterte administration, they defend their rights against all forms of violence inflicted upon them—whether it be black propaganda, psychological warfare or physical violence. Though they may be strong, they are outnumbered and overpowered by an enemy who has all the money and political capital to thwart most of their just and legitimate calls.
In a society of oppressors and oppressed peoples, whose side will you choose? This is the basic question that we as student activists are faced with every day.
We engage in student activism precisely because of what we’ve been learning from the very start: that we’ve been taught to love our fellow countrymen and stand for what is right.
We may not ever come fully to understand each other, but we hope you understand that what we fight for as student activists is greater than us. We hope one day—once the struggle has ended, and the old world of violence, greed and oppression has been replaced by a world of genuine peace, love and empowerment—you will be able to look back at us, your children, and be filled with pride for what we’ve done.
SAMAHAN NG PROGRESIBONG KABATAAN,
progresibongkabataan@gmail.com
Huwebes, Agosto 29, 2019
Ang tulad kong bookworm
ANG TULAD KONG BOOKWORM (UOD NG AKLAT)
Ako'y isang bookworm, mahilig magbasa ng aklat
Kahit luma ang libro'y akin pa ring binubuklat
O kung bago man ay bibilhin ko agad sa book store
Yaring pagbabasa sa kaalaman ay promotor
Uod ng aklat, bookworm, katawagang kaysarap dinggin
Organisahin anong sa tuwina'y babasahin
Dunong na maaangkin ay magbibigay pag-asa
Nawa'y magamit sa pagpapakatao't hustisya
Gawin ang mabuti anuman ang nabasang ito
Awtor ding nagsulat ay kilalanin sinu-sino
Kayraming klasikong nobela't tulang mababatid
Laot man, mula sa kalupaan o himpapawid
Aklat ay mahalaga sa pagbubuo ng bansa
Tulad kong bookworm nawa'y may maitulong sa madla
- gregbituinjr.
Ako'y isang bookworm, mahilig magbasa ng aklat
Kahit luma ang libro'y akin pa ring binubuklat
O kung bago man ay bibilhin ko agad sa book store
Yaring pagbabasa sa kaalaman ay promotor
Uod ng aklat, bookworm, katawagang kaysarap dinggin
Organisahin anong sa tuwina'y babasahin
Dunong na maaangkin ay magbibigay pag-asa
Nawa'y magamit sa pagpapakatao't hustisya
Gawin ang mabuti anuman ang nabasang ito
Awtor ding nagsulat ay kilalanin sinu-sino
Kayraming klasikong nobela't tulang mababatid
Laot man, mula sa kalupaan o himpapawid
Aklat ay mahalaga sa pagbubuo ng bansa
Tulad kong bookworm nawa'y may maitulong sa madla
- gregbituinjr.
Miyerkules, Agosto 28, 2019
Sa nanggagago sa karapatang pantao
SA NANGGAGAGO SA KARAPATANG PANTAO
gago ang tawag sa mga taong tumutuligsa
sa karapatang pantao, karapatan ng tao
aba'y binabastos pa nila't binabalewala
ang karapatang pantaong dapat nirerespeto
naglalaway sila sa dugo, mahilig sa tokhang
kahit wala pang kasalanan, agad mamamaril
mga aso ng pangulong patuloy ang pagsagpang
walang proseso, basta napagtripan ka'y kikitil
matutulis ang pangil nilang tulad sa buwaya
pag lumaban ang masa'y agad nilang tinitiris
kawalan ng wastong proseso'y hahayaan lang ba
ang kawalang katarungan ba'y iyong matitiis
ang gagong sa karapatang pantao'y lumalabag
ay dapat lang tuluyang tuligsain at mausig
dapat ang human rights defenders ay maging matatag
at ang gumagago sa karapatan ay malupig
- gregbituinjr.
gago ang tawag sa mga taong tumutuligsa
sa karapatang pantao, karapatan ng tao
aba'y binabastos pa nila't binabalewala
ang karapatang pantaong dapat nirerespeto
naglalaway sila sa dugo, mahilig sa tokhang
kahit wala pang kasalanan, agad mamamaril
mga aso ng pangulong patuloy ang pagsagpang
walang proseso, basta napagtripan ka'y kikitil
matutulis ang pangil nilang tulad sa buwaya
pag lumaban ang masa'y agad nilang tinitiris
kawalan ng wastong proseso'y hahayaan lang ba
ang kawalang katarungan ba'y iyong matitiis
ang gagong sa karapatang pantao'y lumalabag
ay dapat lang tuluyang tuligsain at mausig
dapat ang human rights defenders ay maging matatag
at ang gumagago sa karapatan ay malupig
- gregbituinjr.
Martes, Agosto 27, 2019
Kapitalistang aswang
KAPITALISTANG ASWANG
makakapal ang apog ng mga kapitalista
sakop daw nila ang mundo't kayrami nilang pera
kanila lang daw ang daigdig na ito, kanila
dahil sila daw ang gumagawa ng ekonomya
ang mukha ng mga kapitalista'y anong kapal
yari sa marmol na pag minaso'y di mabubuwal
iniyayabang nila ang paglago ng kapital
kaya maraming bansa'y sa leeg ay sakal / sakmal
namumula ang dugo sa kanilang mga pangil
kapitalistang aswang na sa bansa'y sumisikil
balisong lanhg tayo subalit armas nila'y galil
sa pagsagpang ng kapitalista'y sinong pipigil
obrero ang dudurog sa kapitalistang aswang
dapat silang magkaisa at pigilan ang halang
- gregbituinjr.
makakapal ang apog ng mga kapitalista
sakop daw nila ang mundo't kayrami nilang pera
kanila lang daw ang daigdig na ito, kanila
dahil sila daw ang gumagawa ng ekonomya
ang mukha ng mga kapitalista'y anong kapal
yari sa marmol na pag minaso'y di mabubuwal
iniyayabang nila ang paglago ng kapital
kaya maraming bansa'y sa leeg ay sakal / sakmal
namumula ang dugo sa kanilang mga pangil
kapitalistang aswang na sa bansa'y sumisikil
balisong lanhg tayo subalit armas nila'y galil
sa pagsagpang ng kapitalista'y sinong pipigil
obrero ang dudurog sa kapitalistang aswang
dapat silang magkaisa at pigilan ang halang
- gregbituinjr.
Ilang buwang...
ILANG BUWANG...
ilang buwang palugit ng mga buwang, nakita
kong patuloy pa ang sa masa'y pagsasamantala
ang mga sundalong kanin ay robot na makina
na alam lang sumunod sa utos, di ang hustisya
ilang buwang palugit upang bahay ay bayaran
dahil bahay ay negosyong pinagkakakitaan
aba'y bakit di na ito serbisyong panlipunan?
dahil ba sakmal na ng kapitalismo ang bayan?
maring buwang tubo lang lagi ang inaasam
tinubo sa pawis ng obrero'y takam na takam
lakas-paggawa ng iba'y sa kanila'y linamnam
habang obrero'y nagluluksa, animo'y pasiyam
maraming buwang manhid ang mga kapitalista
na nakatutok lamang ang puso't diwa sa pera
masa ba'y masokista't kapitalista'y sadista?
o sa nangyayari'y patulog-tulog lang ang masa?
- gregbituinjr.
ilang buwang palugit ng mga buwang, nakita
kong patuloy pa ang sa masa'y pagsasamantala
ang mga sundalong kanin ay robot na makina
na alam lang sumunod sa utos, di ang hustisya
ilang buwang palugit upang bahay ay bayaran
dahil bahay ay negosyong pinagkakakitaan
aba'y bakit di na ito serbisyong panlipunan?
dahil ba sakmal na ng kapitalismo ang bayan?
maring buwang tubo lang lagi ang inaasam
tinubo sa pawis ng obrero'y takam na takam
lakas-paggawa ng iba'y sa kanila'y linamnam
habang obrero'y nagluluksa, animo'y pasiyam
maraming buwang manhid ang mga kapitalista
na nakatutok lamang ang puso't diwa sa pera
masa ba'y masokista't kapitalista'y sadista?
o sa nangyayari'y patulog-tulog lang ang masa?
- gregbituinjr.
Lunes, Agosto 26, 2019
Pagkawala ng katha
PAGKAWALA NG KATHA
aba'y nawalan na naman ako ng mga tula
nang ang sinulatan kong bagong notbuk ay nawala
di ko pa naman natipa sa kompyuter ang katha
di ko na nakita, ang ramdam ko'y kasumpa-sumpa
ibalik kaya iyon ng sinumang nakakuha?
o sa notbuk na yao'y magkakainteres siya?
mga tula kong kinatha'y angkinin kaya niya?
mga di tapos kong tula'y madaragdagan pa ba?
kawawa naman ako't talagang ako'y nawalan
para bang nawala ang kalahati kong katawan
sarili ba'y sisisihin, tanging may kasalanan?
sinulatan kong notbuk kasi'y di ko naingatan
tanging yaman nitong diwa'y saan hahagilapin?
naging tanga ako't di iningatan ang sulatin
sana, sana, sana'y maibalik iyon sa akin
o kaya'y mabasura na kaysa iba'y umangkin
- gregbituinjr.
aba'y nawalan na naman ako ng mga tula
nang ang sinulatan kong bagong notbuk ay nawala
di ko pa naman natipa sa kompyuter ang katha
di ko na nakita, ang ramdam ko'y kasumpa-sumpa
ibalik kaya iyon ng sinumang nakakuha?
o sa notbuk na yao'y magkakainteres siya?
mga tula kong kinatha'y angkinin kaya niya?
mga di tapos kong tula'y madaragdagan pa ba?
kawawa naman ako't talagang ako'y nawalan
para bang nawala ang kalahati kong katawan
sarili ba'y sisisihin, tanging may kasalanan?
sinulatan kong notbuk kasi'y di ko naingatan
tanging yaman nitong diwa'y saan hahagilapin?
naging tanga ako't di iningatan ang sulatin
sana, sana, sana'y maibalik iyon sa akin
o kaya'y mabasura na kaysa iba'y umangkin
- gregbituinjr.
Linggo, Agosto 25, 2019
Sa pagtulog
SA PAGTULOG
dapat manumbalik ang lakas kaya natutulog
nakakapagpahinga't pinaghihilom ang bugbog
muling nabubuo ang molekulang nangalasog
dahil sa maghapong paggawa, laman ay nalamog
habang natutuyo ang laway na dapat imumog
habang tulog, buong katawan halos di matinag
natutulog din at tila mahiyain ang bayag
di kumikilos, tanging puso lang ang pumipitlag
dama nitong katawan ay kalagayang panatag
nananaginip, may sinusuyong magandang dilag
kaysarap matulog lalo sa kubo't nakabanig
mula sa pagod at lugmok, babalik ba ang kisig?
maikli man ang kumot, aba'y kaysarap humilig
naipapahinga ang kalamnan, lalo ang bisig
na gamit sa trabaho, habang puso'y pumipintig
- gregbituinjr.
dapat manumbalik ang lakas kaya natutulog
nakakapagpahinga't pinaghihilom ang bugbog
muling nabubuo ang molekulang nangalasog
dahil sa maghapong paggawa, laman ay nalamog
habang natutuyo ang laway na dapat imumog
habang tulog, buong katawan halos di matinag
natutulog din at tila mahiyain ang bayag
di kumikilos, tanging puso lang ang pumipitlag
dama nitong katawan ay kalagayang panatag
nananaginip, may sinusuyong magandang dilag
kaysarap matulog lalo sa kubo't nakabanig
mula sa pagod at lugmok, babalik ba ang kisig?
maikli man ang kumot, aba'y kaysarap humilig
naipapahinga ang kalamnan, lalo ang bisig
na gamit sa trabaho, habang puso'y pumipintig
- gregbituinjr.
Galing man ako sa pusalian
galing man ako sa pusalian
may dangal akong iniingatan
aktibista man akong palaban
prinsipyado sa puso't isipan
ako man ay isang maglulupa
ang tulad ko'y di kasumpa-sumpa
tinutulungan namin ang dukha
nang di na sila magdaralita
mayroong tunggalian ng uri
may mga busabos at may pari
may mahihirap at naghahari
dahil may pribadong pag-aari
suriin din natin ang kahapon
upang makapaghanda na ngayon
ang uring manggagawa'y babangon
at mamumuno sa rebolusyon
- gregbituinjr.
may dangal akong iniingatan
aktibista man akong palaban
prinsipyado sa puso't isipan
ako man ay isang maglulupa
ang tulad ko'y di kasumpa-sumpa
tinutulungan namin ang dukha
nang di na sila magdaralita
mayroong tunggalian ng uri
may mga busabos at may pari
may mahihirap at naghahari
dahil may pribadong pag-aari
suriin din natin ang kahapon
upang makapaghanda na ngayon
ang uring manggagawa'y babangon
at mamumuno sa rebolusyon
- gregbituinjr.
Sabado, Agosto 24, 2019
Katinuan
KATINUAN
kulang-kulang kung ilagay ang kahon-kahong alak
may katiwalian kayang nagaganap sa lusak
ano't nagkakaisa sila sa masamang balak
aba, baka sa ilong ay may malagyan ng bulak
sadyang pahirap sa bayan ang mga tusong trapo
binoto ng bayan ay nakatutok sa negosyo
lingkod bayan ngunit pinagtutubuan ang tao
kung gobyerno'y ganito, dapat nang palitan ito
kahit sangkaterbang langgam ay marunong mag-aklas
lalo't nakita nilang kalagayan ay di patas
nais din nilang makitang namumuno'y parehas
walang nagagawang katiwalian, walang hudas
nawa'y magkaroon ng katinuan sa'king bansa
mga namumuno'y tunay na maglingkod sa madla
- gregbituinjr.
kulang-kulang kung ilagay ang kahon-kahong alak
may katiwalian kayang nagaganap sa lusak
ano't nagkakaisa sila sa masamang balak
aba, baka sa ilong ay may malagyan ng bulak
sadyang pahirap sa bayan ang mga tusong trapo
binoto ng bayan ay nakatutok sa negosyo
lingkod bayan ngunit pinagtutubuan ang tao
kung gobyerno'y ganito, dapat nang palitan ito
kahit sangkaterbang langgam ay marunong mag-aklas
lalo't nakita nilang kalagayan ay di patas
nais din nilang makitang namumuno'y parehas
walang nagagawang katiwalian, walang hudas
nawa'y magkaroon ng katinuan sa'king bansa
mga namumuno'y tunay na maglingkod sa madla
- gregbituinjr.
Sa ika-35 anibersaryo ng SAMANAFA
SA IKA-35 ANIBERSARYO NG SAMANAFA
sa inyong ikatatlumpu't limang anibersaryo
aming ipinaaabot ang pagbating totoo
tatlumpu't limang taon ng pamumunong sinsero
higit tatlong dekadang mahusay na liderato
taas-kamaong pagpupugay, paabot sa inyo
mabuhay ang inyong organisasyong Samanafa
ang katatagan ninyo'y kahanga-hanga talaga
pinanday man kayo ng maraming problema
naging matibay kayong kasangga, nagkakaisa
kasaysayan ninyo'y dapat matala sa historya
mabuhay ang inyong pangulong Ka Pedring Fadrigon
matatag na pinuno sa matagal na panahon
pinagkaisa ang iba't ibang organisasyon
sinasaluduhan sa matatalinong desisyon
hinarap niya ang anumang panibagong hamon
mula sa kalye'y naging maliit na talipapa
naging palengkeng tatlong palapag, madla'y natuwa
kaygandang puntahan, maganda ang pagkakagawa
inyong palengke'y tunay na naglilingkod sa madla
dapat tularan ang inyong mabuting halimbawa
- gregbituinjr.
8/24/2019 sa ika-35 anibersaryo ng Samahan ng Maninindang Nagkakaisa sa Fabella (SAMANAFA), sa Welfareville, Brgy. Addition Hills, Lungsod ng Mandaluyong
sa inyong ikatatlumpu't limang anibersaryo
aming ipinaaabot ang pagbating totoo
tatlumpu't limang taon ng pamumunong sinsero
higit tatlong dekadang mahusay na liderato
taas-kamaong pagpupugay, paabot sa inyo
mabuhay ang inyong organisasyong Samanafa
ang katatagan ninyo'y kahanga-hanga talaga
pinanday man kayo ng maraming problema
naging matibay kayong kasangga, nagkakaisa
kasaysayan ninyo'y dapat matala sa historya
mabuhay ang inyong pangulong Ka Pedring Fadrigon
matatag na pinuno sa matagal na panahon
pinagkaisa ang iba't ibang organisasyon
sinasaluduhan sa matatalinong desisyon
hinarap niya ang anumang panibagong hamon
mula sa kalye'y naging maliit na talipapa
naging palengkeng tatlong palapag, madla'y natuwa
kaygandang puntahan, maganda ang pagkakagawa
inyong palengke'y tunay na naglilingkod sa madla
dapat tularan ang inyong mabuting halimbawa
- gregbituinjr.
8/24/2019 sa ika-35 anibersaryo ng Samahan ng Maninindang Nagkakaisa sa Fabella (SAMANAFA), sa Welfareville, Brgy. Addition Hills, Lungsod ng Mandaluyong
Biyernes, Agosto 23, 2019
Tulungan ang kalikasan sa paghilom ng sugat
maililigtas pa ba natin itong kalikasan
mula pagkasira dulot ng pabaya't gahaman
ang ilog at dagat ay ginagawang basurahan
pati polusyon sa hangin ay karaniwan na lang
para sa kapaligiran, kayraming dapat gawin
ang pangangalaga nito'y magandang simulain
ang mga naglipanang plastik ay ating tipunin
mga naipong tubig-ulan ay magagamit din
nakakapanikip ng dibdib ang hanging marumi
tila ba sa bawat paghinga'y makapagsisisi
nagbabagong klima'y naririto't nais pumirmi
sa hiyaw ng kalikasan, ikaw ba'y mabibingi
huwag hayaang upos ay lumulutang sa dagat
huwag hayaang sa basura, lupa'y bumubundat
halina, kaibigan, gawin ang nararapat
tulungan ang kalikasan sa paghilom ng sugat
- gregbituinjr.
mula pagkasira dulot ng pabaya't gahaman
ang ilog at dagat ay ginagawang basurahan
pati polusyon sa hangin ay karaniwan na lang
para sa kapaligiran, kayraming dapat gawin
ang pangangalaga nito'y magandang simulain
ang mga naglipanang plastik ay ating tipunin
mga naipong tubig-ulan ay magagamit din
nakakapanikip ng dibdib ang hanging marumi
tila ba sa bawat paghinga'y makapagsisisi
nagbabagong klima'y naririto't nais pumirmi
sa hiyaw ng kalikasan, ikaw ba'y mabibingi
huwag hayaang upos ay lumulutang sa dagat
huwag hayaang sa basura, lupa'y bumubundat
halina, kaibigan, gawin ang nararapat
tulungan ang kalikasan sa paghilom ng sugat
- gregbituinjr.
Pagpupugay at pasasalamat kay Ms. Gina Lopez
Ms. Gina Lopez, sa 'yo'y taas-noong pagpupugay
sa usaping pangkalikasan, moog kang matibay
naging pinuno ng D.E.N.R., lider na tunay
sa pagiging sekretaryo'y namuno nang mahusay
ginawa ang nararapat sa adbokasyang taglay
ipinasara ang maraming minahan sa bansa
ipinagtanggol pati mga katutubo't dukha
itinuring na kapatid ang araw, hangin, lupa
isinaalang-alang ang kagalingan ng madla
kaysa sa interes ng negosyo, kahanga-hanga
iba man ang uring pinanggalingan, natatangi
kinalaban ang mapagsamantala't walang budhi
kaayusan ng kapaligiran ang nilunggati
ang kabutihan ng nakararami ang pinili
pinunong ipagmamalaki ng sinumang lahi
sa D.E.N.R. ay naging mahusay na pinuno
sa Bantay Bata'y nangasiwa nang bata'y mahango
mula sa kaapihan, upang di na masiphayo
mga ginawa'y kinilala sa maraming dako
tunay na halimbawa ng tapat na pamumuno
mabuhay ka, Ms. Gina Lopez, sa 'yong kontribusyon
maraming salamat sa matatapang mong desisyon
ginawa mo'y magniningning sa mahabang panahon
ambag mo'y tagos hanggang sa sunod pang henerasyon
ikaw, para sa marami'y tunay na inspirasyon
- gregbituinjr.
08/22/2019
* Nilikha ang tula matapos pumunta sa burol sa ABS-CBN, kasama si misis at ang ilang kasapi ng Zero Waste Philippines matapos ang kanilang aktibidad
Huwebes, Agosto 22, 2019
Kaming mga aktibista'y mandirigmang Spartan
KAMING MGA AKTIBISTA'Y MANDIRIGMANG SPARTAN
kaming mga aktibista'y mandirigmang Spartan
nakikibaka, nagsasanay, naghahanda sa labanan
pinag-aaralan ang kasaysayan at lipunan
wing chun, arnis, at nagpapalakas din ng katawan
mandirigmang Spartan kaming mga aktibista
tulad ng langay-langayan, kami'y nakikibaka
tulad ng leyong niyakap ang ideyolohiya
mga armas ang materyalismo't diyalektika
tulad ng agila'y dapat matalas ang paningin
tulad ng dragon, kalaban ay aamuy-amuyin
tulad ng tigre, ang pulitika'y pinaiigting
tulad ng langgam, uring manggagawa ang kapiling
halina't samahan kaming magsanay at magsuri
ating organisahin ang tunggalian ng uri
at pawiin ang salot na pribadong pag-aari
dahil ang kahirapan sa mundo'y iyan ang sanhi
mandirigmang Spartan, may adhikang buong-buo
paglilingkod sa uring obrero'y mula sa puso
handang mamatay upang sosyalismo'y maitayo
patuloy ang pagkilos, mamatay man o mabigo
- gregbituinjr.
kaming mga aktibista'y mandirigmang Spartan
nakikibaka, nagsasanay, naghahanda sa labanan
pinag-aaralan ang kasaysayan at lipunan
wing chun, arnis, at nagpapalakas din ng katawan
mandirigmang Spartan kaming mga aktibista
tulad ng langay-langayan, kami'y nakikibaka
tulad ng leyong niyakap ang ideyolohiya
mga armas ang materyalismo't diyalektika
tulad ng agila'y dapat matalas ang paningin
tulad ng dragon, kalaban ay aamuy-amuyin
tulad ng tigre, ang pulitika'y pinaiigting
tulad ng langgam, uring manggagawa ang kapiling
halina't samahan kaming magsanay at magsuri
ating organisahin ang tunggalian ng uri
at pawiin ang salot na pribadong pag-aari
dahil ang kahirapan sa mundo'y iyan ang sanhi
mandirigmang Spartan, may adhikang buong-buo
paglilingkod sa uring obrero'y mula sa puso
handang mamatay upang sosyalismo'y maitayo
patuloy ang pagkilos, mamatay man o mabigo
- gregbituinjr.
Wala nang palamig sa bangketa
WALA NANG PALAMIG SA BANGKETA
hinahanap ko ang mga palamig sa bangketa
limang pisong sago, sampung pisong buko't iba pa
subalit wala nang vendor, bangketa'y nilinis na
di na sila pinagtinda, itinaboy na sila
wala nang mapwestuhan ang mga vendor sa lungsod
sa bangketa'y bawal nang magtinda, wala nang kayod
ang pagtitinda man sa bangketa'y nakakapagod
nagsisipag upang sa pamilya'y may ipamudmod
sa malalaking grocery't mall ka na magpalamig
produkto ng kapitalista'y iyong makakabig
mag-softdrinks ka na lang, mahal na ang mga palamig
upang malunasan ang uhaw mo o pagkabikig
kapitalista ba'y nagplanong vendor ay mawala
malalaking negosyante'y kinalaban ang dukha
tinanggalan ng ikabubuhay ang maralita
upang produkto sa mga mall ang bilhin ng madla
- gregbituinjr.
hinahanap ko ang mga palamig sa bangketa
limang pisong sago, sampung pisong buko't iba pa
subalit wala nang vendor, bangketa'y nilinis na
di na sila pinagtinda, itinaboy na sila
wala nang mapwestuhan ang mga vendor sa lungsod
sa bangketa'y bawal nang magtinda, wala nang kayod
ang pagtitinda man sa bangketa'y nakakapagod
nagsisipag upang sa pamilya'y may ipamudmod
sa malalaking grocery't mall ka na magpalamig
produkto ng kapitalista'y iyong makakabig
mag-softdrinks ka na lang, mahal na ang mga palamig
upang malunasan ang uhaw mo o pagkabikig
kapitalista ba'y nagplanong vendor ay mawala
malalaking negosyante'y kinalaban ang dukha
tinanggalan ng ikabubuhay ang maralita
upang produkto sa mga mall ang bilhin ng madla
- gregbituinjr.
Miyerkules, Agosto 21, 2019
Anak ng tokwa
ANAK NG TOKWA
nagninilay-nilay habang nagpiprito ng tokwa
buhay pa rin ay salat, anak ng tokwa talaga
ang diwata ng swerte'y di man lamang bumisita
bakasakaling ang kapalarang ito'y mag-iba
di man ako naniniwala diyan sa kapalaran
na kaya ka mahirap ay dahil sa kamangmangan
kundi may sanhi bakit dinanas mo'y karukhaan
kaya dapat mo lamang pag-aralan ang lipunan
bakit may ilang mayaman, laksa-laksa'y mahirap
anak ng tokwa! bakit karukhaan ay laganap
walang bahay, pagkain, buhay ay aandap-andap
mga dukha'y may nabubuo pa kayang pangarap
iyang tokwang mumurahin ang aming uulamin
at pagsasaluhan namin kaysa walang makain
pangarap mong yumaman? tumingin ka sa salamin
at baka may muta ka pa'y iyo munang tanggalin
- gregbituinjr.
nagninilay-nilay habang nagpiprito ng tokwa
buhay pa rin ay salat, anak ng tokwa talaga
ang diwata ng swerte'y di man lamang bumisita
bakasakaling ang kapalarang ito'y mag-iba
di man ako naniniwala diyan sa kapalaran
na kaya ka mahirap ay dahil sa kamangmangan
kundi may sanhi bakit dinanas mo'y karukhaan
kaya dapat mo lamang pag-aralan ang lipunan
bakit may ilang mayaman, laksa-laksa'y mahirap
anak ng tokwa! bakit karukhaan ay laganap
walang bahay, pagkain, buhay ay aandap-andap
mga dukha'y may nabubuo pa kayang pangarap
iyang tokwang mumurahin ang aming uulamin
at pagsasaluhan namin kaysa walang makain
pangarap mong yumaman? tumingin ka sa salamin
at baka may muta ka pa'y iyo munang tanggalin
- gregbituinjr.
Utang
patakaran ko sa buhay, di ako mangungutang
sapagkat batid kong di ko ito mababayaran
aba'y mas mabuti pang ako'y mamatay na lamang
kaysa naman mangutang akong di mababayaran
di ako mangungutang, paraan ang gagawin ko
upang malutas ang mga problemang sangkot ako
huwag lang mangutang, aba'y ibabayad ko'y ano?
buti pang magsikhay at mag-ipon kahit magkano
di ako uutang, prinsipyo iyong dapat tupdin
wala akong pambayad, iyan ang iyong isipin
mamatay na 'ko sa gutom, mangutang ay di pa rin
baka buhay na'y ipambayad ko't maging alipin
sa harap ng pinagkakautangan, ako'y dungo
di ako mangungutang, prinsipyong tagos sa puso
sanay na akong magutom, magdusa't masiphayo
huwag lang sa mga utang ako'y mapapasubo
- gregbituinjr
sapagkat batid kong di ko ito mababayaran
aba'y mas mabuti pang ako'y mamatay na lamang
kaysa naman mangutang akong di mababayaran
di ako mangungutang, paraan ang gagawin ko
upang malutas ang mga problemang sangkot ako
huwag lang mangutang, aba'y ibabayad ko'y ano?
buti pang magsikhay at mag-ipon kahit magkano
di ako uutang, prinsipyo iyong dapat tupdin
wala akong pambayad, iyan ang iyong isipin
mamatay na 'ko sa gutom, mangutang ay di pa rin
baka buhay na'y ipambayad ko't maging alipin
sa harap ng pinagkakautangan, ako'y dungo
di ako mangungutang, prinsipyong tagos sa puso
sanay na akong magutom, magdusa't masiphayo
huwag lang sa mga utang ako'y mapapasubo
- gregbituinjr
Martes, Agosto 20, 2019
Tanaga sa Paglisan
TANAGA SA PAGLISAN
namatay ang katawan
subalit di ang diwa
ang pamana’y nariyan
naiiwan sa madla
umaalis ang tao
upang magtungo roon
sa iba pang mundo
upang doon umahon
maraming magigiting
ay nagiging bayani
marami naming praning
ay nagpasyang magbigti
anong dapat gawin
upang tupdin ang misyon
iyo munang suriin
kung wasto ba ang layon
lilisan din ang lahat
sa ibabaw ng lupa
aking pasasalamat
sa kapwa manggagawa
marami man ang gusot
ito’y mapaplantsa rin
huwag kang sumimangot
minsan, ngumiti ka rin
ang bilin ay asahan
at gawin nang maigi
ating kapaligiran
alagaang mabuti
salamat po sa inyo
tuloy ang paglilingkod
pagandahin ang mundo
at ating itaguyod
- gregbituinjr.
* Nalathala ang tulang ito sa pahayagang Diwang Lunti, isyu ng Agosto 2019, pahina 20
Pahimakas kay Ms. Gina Lopez
PAHIMAKAS KAY MS. GINA LOPEZ
Ms. Gina Lopez, marangal, palaban, maginoo
makakalikasan, aktibista para sa mundo
tagapagtaguyod din ng karapatang pantao
sa D.E.N.R. nga, pagsisilbi niya'y totoo
mga mamumutol ng puno ang sinagasaan
pati sumisira ng kagubata't karagatan
ang kapakanan ng katutubo'y ipinaglaban
nag-atas na ipasara ang maraming minahan
tulad ni Francisco ng Assisi'y kanya ring batid
araw, hangin, tubig, lupa'y kanyang mga kapatid
kinalaban ang mga mapagsamantala't ganid
kalabang pulos pera ang isip ay nauumid
siya ang malaking hipong sumalunga sa agos
siya ang dragong pumuntirya sa nambubusabos
siya ang agilang kalikasa'y pilit inayos
siya ang anghel sa mga kalupaang nilapnos
Ms. Gina, minero'y natuwa sa 'yong pagkawalay
ngunit kaming narito'y taas-noong nagpupugay
pamana mo'y mga halimbawa't prinsipyong taglay
sa buong bansa, ngalan mo'y nagniningning na tunay
- gregbituinjr.
Ms. Gina Lopez, marangal, palaban, maginoo
makakalikasan, aktibista para sa mundo
tagapagtaguyod din ng karapatang pantao
sa D.E.N.R. nga, pagsisilbi niya'y totoo
mga mamumutol ng puno ang sinagasaan
pati sumisira ng kagubata't karagatan
ang kapakanan ng katutubo'y ipinaglaban
nag-atas na ipasara ang maraming minahan
tulad ni Francisco ng Assisi'y kanya ring batid
araw, hangin, tubig, lupa'y kanyang mga kapatid
kinalaban ang mga mapagsamantala't ganid
kalabang pulos pera ang isip ay nauumid
siya ang malaking hipong sumalunga sa agos
siya ang dragong pumuntirya sa nambubusabos
siya ang agilang kalikasa'y pilit inayos
siya ang anghel sa mga kalupaang nilapnos
Ms. Gina, minero'y natuwa sa 'yong pagkawalay
ngunit kaming narito'y taas-noong nagpupugay
pamana mo'y mga halimbawa't prinsipyong taglay
sa buong bansa, ngalan mo'y nagniningning na tunay
- gregbituinjr.
Lunes, Agosto 19, 2019
Kubeta'y tiyaking malinis tulad ng kunsensya
KUBETA'Y TIYAKING MALINIS TULAD NG KUNSENSYA
alam na nila kung saan ako hahagilapin
pag ako'y nagtago, sa kubeta ako darakpin
habang libog na libog sa pinapantasyang birhen
habang nagtitikol, at tae'y lalambi-lambitin
ang kubeta ko sa barung-barong ay pahingahan
madalas, doon sinasalsal ang nasa isipin
doon ko rin nakakatha ang mga kasawian
mga hirap ko't danas, pati kritik sa lipunan
kubeta'y santuwaryo ko upang makapag-isip
doon tinatahi ang dinikta ng panaginip
minsan, sa kubeta, may pag-asa kang masisilip
may inspirasyong sa diwa mo'y kaysarap malirip
kubeta'y tiyaking malinis tulad ng kunsensya
nang maging payapa ang diwa't wasto ang pasiya
upang susunod na gagamit ay mahahalina
aalis sila roong may ginhawang nadarama
- gregbituinjr.
alam na nila kung saan ako hahagilapin
pag ako'y nagtago, sa kubeta ako darakpin
habang libog na libog sa pinapantasyang birhen
habang nagtitikol, at tae'y lalambi-lambitin
ang kubeta ko sa barung-barong ay pahingahan
madalas, doon sinasalsal ang nasa isipin
doon ko rin nakakatha ang mga kasawian
mga hirap ko't danas, pati kritik sa lipunan
kubeta'y santuwaryo ko upang makapag-isip
doon tinatahi ang dinikta ng panaginip
minsan, sa kubeta, may pag-asa kang masisilip
may inspirasyong sa diwa mo'y kaysarap malirip
kubeta'y tiyaking malinis tulad ng kunsensya
nang maging payapa ang diwa't wasto ang pasiya
upang susunod na gagamit ay mahahalina
aalis sila roong may ginhawang nadarama
- gregbituinjr.
Ang kubeta ang aking santuwaryo
ANG KUBETA ANG AKING SANTUWARYO
ang kubeta ang aking santuwaryo, o kanlungan
mula sa karahasan ng buhay, silid-nilayan
kanlungan, aking taguan, siya ring pahingahan
doon ko ri kinakatha ang laman ng isipan
anong sarap pag kubeta ang iyong santuwaryo
doon ay para kang batang hubo't hubad sa mundo
anumang iyong gawin, ramdam mong normal kang tao
naliligo, tumatae, nagbabate ka rito
nagugustuhan ko nang santuwaryo ang kubeta
at sa paglabas mo, pulos dahas ang makikita
para bagang buhay ng isang tao'y barya-barya
parang tsuper, natatae'y busina ng busina
sa loob ng kubeta'y payapa ang puso't isip
pagiging totoong tao ba'y isang panaginip?
huwag lang may kumatok, akala ikaw'y umidlip
sunod na gagamit, may pangarap ding halukipkip
- gregbituinjr.
ang kubeta ang aking santuwaryo, o kanlungan
mula sa karahasan ng buhay, silid-nilayan
kanlungan, aking taguan, siya ring pahingahan
doon ko ri kinakatha ang laman ng isipan
anong sarap pag kubeta ang iyong santuwaryo
doon ay para kang batang hubo't hubad sa mundo
anumang iyong gawin, ramdam mong normal kang tao
naliligo, tumatae, nagbabate ka rito
nagugustuhan ko nang santuwaryo ang kubeta
at sa paglabas mo, pulos dahas ang makikita
para bagang buhay ng isang tao'y barya-barya
parang tsuper, natatae'y busina ng busina
sa loob ng kubeta'y payapa ang puso't isip
pagiging totoong tao ba'y isang panaginip?
huwag lang may kumatok, akala ikaw'y umidlip
sunod na gagamit, may pangarap ding halukipkip
- gregbituinjr.
Linggo, Agosto 18, 2019
Bakit kaytagal ko raw sa kubeta?
BAKIT KAYTAGAL KO RAW SA KUBETA?
tanong niya, bakit kaytagal ko raw sa kubeta
oo, kaytagal ko't higit isang oras na pala
doon kasi, ako'y tao kahit pansamantala
nagagawa ang maibigan, kahit magpantasya
mula sa kubeta, pag ikaw na'y agad lumabas
ang katotohanan na ng buhay ang mawawatas
maririnig mo na'y dahas at kayraming inutas
sa pamahalaan ay may tiwali't mandurugas
gayunpaman, sa kubeta'y kayrami kong nakatha
kahit walang tissue paper, naroong tumutula
habang gamit ang tabo, dumudumi'y may nalikha
mabaho man, kaysarap ilabas, O, aking mutya
bakit matagal sa kubeta'y huwag nang tanungin
itong mga katha ko na lang ang iyong basahin
tiyak nilikha ko'y anong bango pag sasamyuin
maging pinanghugas kong kamay ay iyong pisilin
- gregbituinjr.
tanong niya, bakit kaytagal ko raw sa kubeta
oo, kaytagal ko't higit isang oras na pala
doon kasi, ako'y tao kahit pansamantala
nagagawa ang maibigan, kahit magpantasya
mula sa kubeta, pag ikaw na'y agad lumabas
ang katotohanan na ng buhay ang mawawatas
maririnig mo na'y dahas at kayraming inutas
sa pamahalaan ay may tiwali't mandurugas
gayunpaman, sa kubeta'y kayrami kong nakatha
kahit walang tissue paper, naroong tumutula
habang gamit ang tabo, dumudumi'y may nalikha
mabaho man, kaysarap ilabas, O, aking mutya
bakit matagal sa kubeta'y huwag nang tanungin
itong mga katha ko na lang ang iyong basahin
tiyak nilikha ko'y anong bango pag sasamyuin
maging pinanghugas kong kamay ay iyong pisilin
- gregbituinjr.
Sabado, Agosto 17, 2019
Sa ika-25 taon sa P
SA IKA-25 TAON SA P
(Agosto 17, 2019)
sang-ayon ako sa landas na bihirang tahakin
kaya sinuong iyon, may panganib mang harapin
niyakap ang pagpupultaym anuman ang lasapin
upang ipalaganap ang niyakap na layunin
mula publikasyon ng pinasukang pamantasan
ay nagsulat din sa pangmanggagawang pahayagan
dukha'y inorganisa, inaral din ang lipunan
patuloy na sumusuporta sa mga aklasan
sumumpang lalabanan ang kapitalistang ganid
dudurugin ang sistemang kabulukan ang hatid
ideyolohiya ng manggagawa'y ipabatid
ipagtatanggol ang mga sosyalistang kapatid
kaya sa ikadalawampu't limang taon dito
mula nang sa banderang pula'y sumumpang totoo
naririto pa rin kasama ang uring obrero
nagsasanay, kumikilos para sa sosyalismo
- gregbituinjr.
(Agosto 17, 2019)
sang-ayon ako sa landas na bihirang tahakin
kaya sinuong iyon, may panganib mang harapin
niyakap ang pagpupultaym anuman ang lasapin
upang ipalaganap ang niyakap na layunin
mula publikasyon ng pinasukang pamantasan
ay nagsulat din sa pangmanggagawang pahayagan
dukha'y inorganisa, inaral din ang lipunan
patuloy na sumusuporta sa mga aklasan
sumumpang lalabanan ang kapitalistang ganid
dudurugin ang sistemang kabulukan ang hatid
ideyolohiya ng manggagawa'y ipabatid
ipagtatanggol ang mga sosyalistang kapatid
kaya sa ikadalawampu't limang taon dito
mula nang sa banderang pula'y sumumpang totoo
naririto pa rin kasama ang uring obrero
nagsasanay, kumikilos para sa sosyalismo
- gregbituinjr.
Ipagtanggol ang Wikang Filipino
IPAGTANGGOL ANG WIKANG FILIPINO
tuwing buwan ng Agosto
inaalala ng tao
itong wikang Filipino
pagkat wika natin ito
mahalaga ang wika
lalo’t wika nating dukha
dito nagkakaunawa
magkababayan at madla
wikang ito'y ipagtanggol
laban sa maraming ulol
putik nilang kinulapol
sa ating wika'y di ukol
wikang ito raw ay bakya
pagkat salita ng dukha
tayo ba'y kinakawawa
ng gagong astang dakila
wika nati’y ipaglaban
laban sa gago’t haragan
ito ang wika ng bayan
na dapat nating ingatan
sinuman ang maninira
tatawagin itong bakya
sila’y talagang kuhila
taksil sa sariling wika
wikang Filipino’y atin
wikang sarili’y linangin
atin itong paunlarin
at lagi nating gamitin
manggagawa, maralita
pagpalain nyo ang wika
kayong kasangga ng madla
upang umunlad ang bansa
- gregbituinjr.
* nalathala sa pahayagang Taliba ng Maralita, publikasyon ng KPML (Kongreso ng Pagkakaisa ng Maralitang Lungsod), isyu ng Agosto 16-31, 2019, p. 20
tuwing buwan ng Agosto
inaalala ng tao
itong wikang Filipino
pagkat wika natin ito
mahalaga ang wika
lalo’t wika nating dukha
dito nagkakaunawa
magkababayan at madla
wikang ito'y ipagtanggol
laban sa maraming ulol
putik nilang kinulapol
sa ating wika'y di ukol
wikang ito raw ay bakya
pagkat salita ng dukha
tayo ba'y kinakawawa
ng gagong astang dakila
wika nati’y ipaglaban
laban sa gago’t haragan
ito ang wika ng bayan
na dapat nating ingatan
sinuman ang maninira
tatawagin itong bakya
sila’y talagang kuhila
taksil sa sariling wika
wikang Filipino’y atin
wikang sarili’y linangin
atin itong paunlarin
at lagi nating gamitin
manggagawa, maralita
pagpalain nyo ang wika
kayong kasangga ng madla
upang umunlad ang bansa
- gregbituinjr.
* nalathala sa pahayagang Taliba ng Maralita, publikasyon ng KPML (Kongreso ng Pagkakaisa ng Maralitang Lungsod), isyu ng Agosto 16-31, 2019, p. 20
Biyernes, Agosto 16, 2019
Ang unlaping ika___ o ika-___
ANG UNLAPING IKA___ O IKA-___
di lahat ng "ika" ay may gitling kang ilalagay
lalo't numero'y pasalita, di simbolong taglay
tulad ng ikaapat o ng ikapitong tunay
mahirap ang "ika", "ika", di ka dapat sumablay
ikalima, ikaanim o kaya'y ikasampu
ikawalo, ikasiyam, o ikadalawampu
ngunit may gitling ang ika-4 at ika-10
may gitling ang ika-6 at ika-20
pagkat "ika" ay panlapi, dinurugtong sa bilang
karugtong ng salitang ugat sa bawat pangngalan
pag pulos titik walang gitling, pag numero'y lagyan
ito'y patakaran nang tayo'y magkaunawaan
- gregbituinjr.
di lahat ng "ika" ay may gitling kang ilalagay
lalo't numero'y pasalita, di simbolong taglay
tulad ng ikaapat o ng ikapitong tunay
mahirap ang "ika", "ika", di ka dapat sumablay
ikalima, ikaanim o kaya'y ikasampu
ikawalo, ikasiyam, o ikadalawampu
ngunit may gitling ang ika-4 at ika-10
may gitling ang ika-6 at ika-20
pagkat "ika" ay panlapi, dinurugtong sa bilang
karugtong ng salitang ugat sa bawat pangngalan
pag pulos titik walang gitling, pag numero'y lagyan
ito'y patakaran nang tayo'y magkaunawaan
- gregbituinjr.
Huwebes, Agosto 15, 2019
Ang unlaping taga___ o taga-___
ANG UNLAPING TAGA___ O TAGA-___
di lahat ng "taga" ay dapat gamitan ng gitling
tulad ng tagalaba, tagaluto't tagasaing
unawain anong tama upang di ka maduling
sa pagsusulat man, isulat nang tama't may lambing
lagyan lamang ng gitling kung ang karugtong ay lunan
pag pangngalang pantangi, gitling ay laging tandaan
halimbawa'y taga-Baclaran o taga-Pandacan
subalit walang gitling ang pangngalang karaniwan
ikaw ba'y taga-Maynila o taga-Marinduque
ikaw ba'y taga-Iloilo o taga-Cavite
ikaw ba'y taga-Avenida o taga-Mabini
ikaw ba'y tagawalis, tagalinis, tagabili
tagahanga ba kita sa maaksyon kong palabas
taga-Mindanao ka ba o diyan lang sa Batangas
aba'y gitling ay gamitin natin ng wasto't wagas
upang di malito't yaong binabasa'y mawatas
- gregbituinjr.
di lahat ng "taga" ay dapat gamitan ng gitling
tulad ng tagalaba, tagaluto't tagasaing
unawain anong tama upang di ka maduling
sa pagsusulat man, isulat nang tama't may lambing
lagyan lamang ng gitling kung ang karugtong ay lunan
pag pangngalang pantangi, gitling ay laging tandaan
halimbawa'y taga-Baclaran o taga-Pandacan
subalit walang gitling ang pangngalang karaniwan
ikaw ba'y taga-Maynila o taga-Marinduque
ikaw ba'y taga-Iloilo o taga-Cavite
ikaw ba'y taga-Avenida o taga-Mabini
ikaw ba'y tagawalis, tagalinis, tagabili
tagahanga ba kita sa maaksyon kong palabas
taga-Mindanao ka ba o diyan lang sa Batangas
aba'y gitling ay gamitin natin ng wasto't wagas
upang di malito't yaong binabasa'y mawatas
- gregbituinjr.
Miyerkules, Agosto 14, 2019
Nagrambulan dahil sa kulangot
kapansin-pansin ang balita sa Abante Tonite
nasa headline pa, lalo na't may dating ang pamagat
mga dayo'y nagrambulan nang dahil sa kulangot
ito nga ba'y nakakatawa o nakakatakot?
pinahiran ng kulangot ang Hapon sa comfort room
ng isa sa suspek na Taiwanes na nakainom
hanggang sa magkasagutan sa loob ng kubeta
at sa paglabas, aba, sila'y nagkarambulan na
nagkabatuhan ng bote dahil isa'y nambastos
tila ba sa disiplina sila'y wala sa ayos
ayon sa balita, ito'y naganap sa Maynila
sa isang bar sa Ermita, dayo'y nagkasagupa
parak ay dumating at agad na pinagdadampot
silang mga nagpang-abot nang dahil sa kulangot
- gregbituinjr.
* batay sa isang ulat sa Abante Tonite, Agosto 13, 2019
nasa headline pa, lalo na't may dating ang pamagat
mga dayo'y nagrambulan nang dahil sa kulangot
ito nga ba'y nakakatawa o nakakatakot?
pinahiran ng kulangot ang Hapon sa comfort room
ng isa sa suspek na Taiwanes na nakainom
hanggang sa magkasagutan sa loob ng kubeta
at sa paglabas, aba, sila'y nagkarambulan na
nagkabatuhan ng bote dahil isa'y nambastos
tila ba sa disiplina sila'y wala sa ayos
ayon sa balita, ito'y naganap sa Maynila
sa isang bar sa Ermita, dayo'y nagkasagupa
parak ay dumating at agad na pinagdadampot
silang mga nagpang-abot nang dahil sa kulangot
- gregbituinjr.
* batay sa isang ulat sa Abante Tonite, Agosto 13, 2019
Tiyuhing ulupong
ulupong pala ang tiyuhin ng isang babae
na tumuklaw sa puri ng nasabing binibini
karumal-dumal ang balitang ito't insidente
niluray, pinaslang ang gagradweyt na estudyante
sa likod ng iskul, ang bangkay niya'y natagpuan
tiyuhin niya'y isa sa gumahasa't pumaslang
mabuti't nasumbong pa sa liham ang kaganapan
sa liham sa ina'y sumabog ang katotohanan
tiyuhin niya't apat pa nitong kasama'y suspek
mga walang budhing pwersahan siyang itinalik
pinagpasasaan ng mga walang awang lintik
ngunit sa huli, pati mata niya'y itinirik
salamat sa liham na nagbulgar sa krimen nila
na di napadala ng dilag sa mahal na ina
hustisya sa ginahasa't pinaslang na dalaga!
bulukin sa piitan ang nagmalupit sa kanya
- gregbituinjr.
* ang tula'y binatay sa headline sa pahayagang Bulgar, Agosto 13, 2019, na may pamagat na "Graduating student ni-rape ng 5, pinatay sa likod ng iskul" at may maliit na dugtong na "Nakagawa ng sulat, uncle itinuro"
Para sa mga inakay
patuloy ang lawin sa paglipad sa kalawakan
at nag-aabang ng madadagit sa kaparangan
bunsod ba iyon ng nadarama n'yang kagutuman?
o marahil iyon kasi ang kanyang kalikasan?
nakatingala yaong inahin sa kalangitan
magsungit kaya ang panahon, babagyo, uulan?
o baka kasi may lawing dapat silang iwasan?
upang kanyang mga inakay ay maprotektahan
pinaaalpas ng nag-aalaga ang inahin
upang ito'y makahanap naman ng makakain
para sa mga inakay nitong aalagain
nasa isip lagi'y anak nang ito'y di gutumin
tulad ng tao, may pamilya rin ang mga hayop
at sa pagbuo nito, bawat isa'y kinukupkop
ng ama o inang sa iba'y di nagpapasakop
titiyaking may sabaw nang anak ay makahigop
- gregbituinjr.
at nag-aabang ng madadagit sa kaparangan
bunsod ba iyon ng nadarama n'yang kagutuman?
o marahil iyon kasi ang kanyang kalikasan?
nakatingala yaong inahin sa kalangitan
magsungit kaya ang panahon, babagyo, uulan?
o baka kasi may lawing dapat silang iwasan?
upang kanyang mga inakay ay maprotektahan
pinaaalpas ng nag-aalaga ang inahin
upang ito'y makahanap naman ng makakain
para sa mga inakay nitong aalagain
nasa isip lagi'y anak nang ito'y di gutumin
tulad ng tao, may pamilya rin ang mga hayop
at sa pagbuo nito, bawat isa'y kinukupkop
ng ama o inang sa iba'y di nagpapasakop
titiyaking may sabaw nang anak ay makahigop
- gregbituinjr.
Martes, Agosto 13, 2019
Pagpupugay kay Ka Fidel Castro
PAGPUPUGAY KAY KA FIDEL CASTRO
(Agosto 13, 1926 - Nobyembre 25, 2016)
O, Ka Fidel, tagumpay n'yo'y tunay na inspirasyon
sa tulad naming naghahangad din ng rebolusyon
naipanalo n'yo'y kasaysayan na ng kahapon
na mapaghahalawan ng mabuting aral ngayon
nabigo man kayo sa pagsalakay sa Moncada
iyon na ang senyales upang mamulat ang masa
dinakip kayo't kinulong ng rehimeng Batista
lumaya dahil sa matagumpay mong pagdepensa
di nagtagumpay ang U.S. sa anumang blokeyo
kahit limang dekadang blokeyo'y nabuhay kayo!
Cuba'y di napayuko ng mga Amerikano
ang Cuba'y matatag sa harap ng kalaban nito!
di natibag ng Kano ang pamumuno ni Fidel
sa higit limang dekada, ang Cuba'y di napigil
sosyalistang sistema'y patuloy, di tumitigil
taas-kamaong pagpupugay kay kasamang Fidel
- gregbituinjr.
* kinatha ang tula sa panayam-talakayan na "Celebrating Moncada, Remembering Fidel" ng Philippines-Cuba Cultural and Friendship Association (PhilCuba), Agosto 13, 2019, na ginanap sa LEARN Workers House, Delgado St., Quezon City
Bukrebyu - Banaag at Sikat ni Lope K. Santos
Bukrebyu: BANAAG AT SIKAT ni Lope K. Santos
Maikling sanaysay ni Greg Bituin Jr.
Nabili ko nitong Hulyo 26, 2019 ng hapon ang aklat na "Banaag at Sikat" ni Ka Lope K. Santos sa Popular Bookstore sa halagang P295.00. Ito ang ikalawa kong pagbili ng aklat na ito, pagkat naiwala ko o marahil ay nasa hiraman, na di ko na matandaan, ang una kong aklat na nabili ko noong Hulyo 4, 2008, sa halagang P250.00. (Natatandaan ko ang petsang iyon pagkat naisalaysay ko na ito sa isa pang artikulo.)
Ang Banaag at Sikat ang kauna-unahang nobelang sosyalista sa ating bansa. Isinulat niya ito ng serye sa pahayagang Muling Pagsilang noong 1904-05 at nalathala naman bilang ganap na aklat noong 1906. Ayon kay LKS, "Ang unang pagkalimbag nitong Banaag at Sikat ay noong 1906. May dalawang taong sinulat ko araw-araw at inilathala sa pahayagang Muling Pagsilang, at nang matipon na at mabuo, ay ibinigay ko sa imprenta McCullough, at doon nga ginawa ang paglilimbag."
Binubuo ng 588 pahina ang kabuuan ng aklat, at 547 pahina nito ay ang buong nobela. May siyam na pahinang pagsusuri sa nobela si Efren R. Abueg, kilalang nobelista rin at bahagi ng grupong Agos sa Disyerto. Pitong pahina ang inialay naman bilang paunang salita sa paraang Paunawa ang sinulat ni G. Macario Adriatico na may petsang Disyembre 1906. Sa huling bahagi ng aklat ay nakapagsulat ng sanaysay si LKS na may petsang Abril 1959, sa gulang na 80 taon.
Nais kong sipiin ang isang talata sa Banaag at Sikat, p. 42:
-- Hindi po ako -- anya -- ang una-una lamang nakapagsabi ng ganyan, kundi ang pantas na si Goethe, nang isulat niya ang sagutan ng isang maestro at isang alumno, tungkol sa buong pinagmulan at kasaysayan ng yaman o pag-aari.
Itinanong daw ng NAGTUTURO: -- "Turan mo, saan galing ang kayamanan ng iyong ama?" -- "Sa ama po ng aking ama," itinugon daw naman ng NAG-AARAL. -- At ang sa ama ng iyong ama?" -- "Sa ama ng ama ng aking ama." -- "At sa ama ng ama ng iyong ama?" -- "Ninakaw po."...
* Unang nalathala sa pahayagang Taliba ng Maralita, ang opisyal na publikasyon ng Kongreso ng Pagkakaisa ng Maralitang Lungsod (KPML), p. 15, isyu ng Agosto 1-15, 2019
Lunes, Agosto 12, 2019
Upos ng yosi'y gawing yosibrik
Kaya mo bang mag-ipon ng mga upos ng yosi?
Kahit di ka nagyoyosi, nais mo lang magsilbi.
Tapon dito, tapos doon kasi ang nangyayari
hanggang sa upos ay maglipana sa tabi-tabi.
Nagyoyosi'y dapat organisadong nagtatapon
ng hinitit nilang yosi upang ito'y matipon.
Upos ng yosi'y mga basurang dapat mabaon
sa lupa, marahil kalutasang ito ang tugon.
Ang upos ay di dapat palutang-lutang sa dagat.
Gawin itong yosibrik nang tao'y ating mamulat
kaysa naman basurang upos ay pakalat-kalat.
Tayo'y mag-yosibrik, gawain mang ito'y kaybigat.
Sa boteng plastik, mga upos ng yosi'y isiksik
hanggang sa tumigas na parang bato ang yosibrik!
- gregbituinjr.
Kahit di ka nagyoyosi, nais mo lang magsilbi.
Tapon dito, tapos doon kasi ang nangyayari
hanggang sa upos ay maglipana sa tabi-tabi.
Nagyoyosi'y dapat organisadong nagtatapon
ng hinitit nilang yosi upang ito'y matipon.
Upos ng yosi'y mga basurang dapat mabaon
sa lupa, marahil kalutasang ito ang tugon.
Ang upos ay di dapat palutang-lutang sa dagat.
Gawin itong yosibrik nang tao'y ating mamulat
kaysa naman basurang upos ay pakalat-kalat.
Tayo'y mag-yosibrik, gawain mang ito'y kaybigat.
Sa boteng plastik, mga upos ng yosi'y isiksik
hanggang sa tumigas na parang bato ang yosibrik!
- gregbituinjr.
Lamparaw
LAMPARAW
kung walang kuryente'y gamitin natin ang lamparaw
o solar lamp sa Ingles, lamparang gamit ay araw
dapat paghandaan anumang sakunang dumalaw
harapin natin kahit ang nagbabagong pananaw
sa Asya, pangalawa tayong mahal ang kuryente
mabuting magpalit na't mag-renewable energy
alagaan ang kalikasan, sa bayan magsilbi
murang kuryente na ang hangad ng nakararami
isa lang itong lamparaw sa ating magagamit
na malaking maitutulong sa panahong gipit
may ilawan ka na sa gabing madilim ang langit
saanman magpunta'y madali mo itong mabitbit
magkaroon ng lamparaw ay ating pag-ipunan
nang sa oras ng kagipitan ay may kahandaan
- gregbituinjr.
kung walang kuryente'y gamitin natin ang lamparaw
o solar lamp sa Ingles, lamparang gamit ay araw
dapat paghandaan anumang sakunang dumalaw
harapin natin kahit ang nagbabagong pananaw
sa Asya, pangalawa tayong mahal ang kuryente
mabuting magpalit na't mag-renewable energy
alagaan ang kalikasan, sa bayan magsilbi
murang kuryente na ang hangad ng nakararami
isa lang itong lamparaw sa ating magagamit
na malaking maitutulong sa panahong gipit
may ilawan ka na sa gabing madilim ang langit
saanman magpunta'y madali mo itong mabitbit
magkaroon ng lamparaw ay ating pag-ipunan
nang sa oras ng kagipitan ay may kahandaan
- gregbituinjr.
Linggo, Agosto 11, 2019
Ang payo ng matatandang tibak
halina't pag-aralan natin ang lipunan
payo ito ng maraming matandang tibak
aralin bakit may mahirap, may mayaman
bakit kayraming gumagapang sa lusak
halina't pag-aralan din ang kalikasan
bakit tumataas na ang sukat ng dagat
bakit nagbabagong klima'y di mamalayan
bakit sa nangyayaring ito'y di pa mulat
ang unang tungkulin ng tibak ay matuto
pag-aralan ang kapaligiran, magsuri
ang bawat tibak muna'y maging edukado
sapagkat sila ang magtatanim ng binhi
binhi ng pagbabago tungong sosyalismo
pati pagpawi ng pribadong pag-aari
na siyang sanhi ng paghihirap ng tao
halina't organisahin ang ating uri
organisahin na ang manggagawa't dukha
upang ang bawat isa'y nagkakapitbisig
uring manggagawa, hukbong mapagpalaya
magkaisa upang baguhin ang daigdig
- gregbituinjr.
payo ito ng maraming matandang tibak
aralin bakit may mahirap, may mayaman
bakit kayraming gumagapang sa lusak
halina't pag-aralan din ang kalikasan
bakit tumataas na ang sukat ng dagat
bakit nagbabagong klima'y di mamalayan
bakit sa nangyayaring ito'y di pa mulat
ang unang tungkulin ng tibak ay matuto
pag-aralan ang kapaligiran, magsuri
ang bawat tibak muna'y maging edukado
sapagkat sila ang magtatanim ng binhi
binhi ng pagbabago tungong sosyalismo
pati pagpawi ng pribadong pag-aari
na siyang sanhi ng paghihirap ng tao
halina't organisahin ang ating uri
organisahin na ang manggagawa't dukha
upang ang bawat isa'y nagkakapitbisig
uring manggagawa, hukbong mapagpalaya
magkaisa upang baguhin ang daigdig
- gregbituinjr.
Sabado, Agosto 10, 2019
Ang upos at kabulukan, ayon sa isang paham
ANG UPOS AT KABULUKAN, AYON SA ISANG PAHAM
paano ba tumira sa dagat ng upos?
tiyak ang pamumuhay mo'y kalunos-lunos
papatianod na lang ba tayo sa agos?
at mabubuhay sa mundong parang busabos?
pangatlo ang upos sa basura sa dagat
at sa upos, isda't balyena'y nabubundat
bakit basurang upos ay ikinakalat?
ng mga walang awang kung saan nagbuhat
minsan, dagat ng basura'y ating lingunin
kaya ba nating linisin ang dagat natin?
kung hindi'y paano ang wasto nating gawin?
upang isda, upos na ito'y di makain
noon, sa aplaya'y nakatitig ang paham
at kanyang nausal habang mata'y malamlam:
"Bulok ang mga taong walang pakialam.
Subalit mas bulok ang walang pakiramdam."
- gregbituinjr.
paano ba tumira sa dagat ng upos?
tiyak ang pamumuhay mo'y kalunos-lunos
papatianod na lang ba tayo sa agos?
at mabubuhay sa mundong parang busabos?
pangatlo ang upos sa basura sa dagat
at sa upos, isda't balyena'y nabubundat
bakit basurang upos ay ikinakalat?
ng mga walang awang kung saan nagbuhat
minsan, dagat ng basura'y ating lingunin
kaya ba nating linisin ang dagat natin?
kung hindi'y paano ang wasto nating gawin?
upang isda, upos na ito'y di makain
noon, sa aplaya'y nakatitig ang paham
at kanyang nausal habang mata'y malamlam:
"Bulok ang mga taong walang pakialam.
Subalit mas bulok ang walang pakiramdam."
- gregbituinjr.
Biyernes, Agosto 9, 2019
Huwag itayo ang Kaliwa Dam!
![]() |
Kuha ang litrato mula sa facebook page ng Stop Kaliwa Dam Network |
HUWAG ITAYO ANG KALIWA DAM!
Daigdigang Araw ng mga Katutubo ngayon
at ang pamahalaa'y ating ngayong hinahamon:
kumilos na para sa susunod na henerasyon
itigil ang Kaliwa Dam, tuluyan nang ibaon!
ang paggawa ng dam ay planong pondohan ng Tsina
di naman gobyerno ang magbabayad kundi masa
sa katutubo't taas-kamaong nakikiisa
kaming narito'y kasama n'yo sa pakikibaka
aba'y papayag pa ba tayong mabaon sa utang
bansa'y baon na sa utang, mababaon na naman
bakit ba gigil na gigil silang itayo ang dam
damuho silang sa buhay ay walang pakialam
mga kapatid na katutubo'y nangangalaga
sa kanilang lupaing ninuno'y nag-aaruga
kalikasan ay buhay, di dapat mapariwara
huwag itayo ang dam, sa kanila ito'y sumpa
- gregbituinjr.
* Nilikha ang tula at binasa sa rali sa harap ng Department of Environment and Natural Resources (DENR) sa Visayas Ave., QC, umaga ng Agosto 9, 2019, kasabay ng paggunita sa International Day of the World's Indigenous People. Kasama sa pagkilos ang mga grupong Stop Kaliwa Dam Network, Save Sierra Madre Network Alliance, ALMA DAM, SUKATAN, SAGIBIN, PAKISAMA, ALAKAD, Freedom from Debt Coalition (FDC), Philippine Movement for Climate Justice (PMCJ), CEED, Alyansa Tigil Mina (ATM), LILAK, Piglas Kababaihan, Kongreso ng Pagkakaisa ng Maralitang Lungsod (KPML), Haribon Foundation, atbp.
Huwebes, Agosto 8, 2019
Kung ako'y malalayo sa kilusang masa
kung ako'y malalayo sa kilusang masa
ang mararamdaman ko'y di na ako tao
lalo na't ako'y magtatatlong dekada na
bilang aktibistang may dangal at prinsipyo
ang tulad ko'y sagad-sagaring aktibista
tinatanganan ang karapatang pantao
lumalaban sa tuso't mapagsamantala
kalaban ng mapang-api't mapang-abuso
sa mga manggagawa'y nakipagkaisa
upang mapalitan na ang kapitalismo
uring manggagawa'y ating mga kasangga
sa pangwawasak sa pag-aaring pribado
dapat mga manggagawa'y maorganisa
at matayo ang sarili nilang gobyerno
sa pagtindig nila'y sasamahan ko sila
upang itatag ang sistemang sosyalismo
- gregbituinjr.
ang mararamdaman ko'y di na ako tao
lalo na't ako'y magtatatlong dekada na
bilang aktibistang may dangal at prinsipyo
ang tulad ko'y sagad-sagaring aktibista
tinatanganan ang karapatang pantao
lumalaban sa tuso't mapagsamantala
kalaban ng mapang-api't mapang-abuso
sa mga manggagawa'y nakipagkaisa
upang mapalitan na ang kapitalismo
uring manggagawa'y ating mga kasangga
sa pangwawasak sa pag-aaring pribado
dapat mga manggagawa'y maorganisa
at matayo ang sarili nilang gobyerno
sa pagtindig nila'y sasamahan ko sila
upang itatag ang sistemang sosyalismo
- gregbituinjr.
Miyerkules, Agosto 7, 2019
Halina't makibaka, huwag matakot sa ulan
umuulan na naman, habang sa rali'y papunta
mabuti na lang, may sumbrero't dyaket akong dala
dahil sa komitment at isyu'y kasama ng masa
kahit na umuulan, tuloy sa pakikibaka
sumuong man sa ulan, patuloy kami sa rali
upang dalhin sa kinauukulan ang mensahe
dapat pababain nila ang presyo ng kuryente
dapat maging polisiya'y renewable energy
may mahal na kuryente sa Asya'y pangalwa tayo
mula pa planta ng coal ang mga kuryenteng ito
napakaruming kuryente, kaytaas pa ng presyo
aba'y mag-renewable energy na dapat tayo
halina't makibaka, huwag matakot sa ulan
at patuloy nating paglingkuran ang sambayanan
- gregbituinjr.
* Nilikha ang tulang ito habang papunta ng rali sa Department of Energy (DOE) sa Bonifacio Global City (BGC), Agosto 7, 2019. Kasama sa pagkilos na ito ang mga grupong Power for People Coalition (P4P), Sanlakas, Metro Manila Vendors Alliance (MMVA), Center for Ecology, Environment and Development (CEED), Piglas-Kababaihan, Oriang, Kongreso ng Pagkakaisa ng Maralitang Lungsod (KPML), at Philippine Movement for Climate Justice (PMCJ).
Kumilos ka, dukha
KUMILOS KA, DUKHA
dukha'y mahirap na nga
ay patunga-tunganga
kumilos ka na, dukha
bago mapariwara
halina't magsibangon
bansang ito'y iahon
ang tikatik na ambon
baka unos paglaon
ang dukha'y naging sawi
dahil sa hari, pari
at elitistang uri
silang kamuhi-muhi
ang pari pag nangusap
mapalad ang mahirap
huwag ka nang magsikap
may langit kang pangarap
kaya may hari dahil
diyus-diyusang sutil
sa lupa kunwa'y anghel
ngunit sa masa'y taksil
kunwa'y may dugong bughaw
silang mga bakulaw
na sa mundong ibabaw
ay naghaharing bangaw
may iba silang mundo
daigdig ng hunyango
pulos pera't maluho
at budhi'y mababaho
burgesyang talusaling
ang sa mundo'y umangkin
mga dukha'y alipin
sa sariling lupain
dahil may panginoon
kayraming panginoon
dapat ibagsak iyon
at bayan ay ibangon
dukha, mag-aklas ka na
ibagsak ang burgesya
tayo'y maghimagsik na
baguhin ang sistema
- gregbituinjr.
* nalathala sa pahayagang Taliba ng Maralita, publikasyon ng KPML (Kongreso ng Pagkakaisa ng Maralitang Lungsod), isyu ng Agosto 1-15, 2019, p. 20
dukha'y mahirap na nga
ay patunga-tunganga
kumilos ka na, dukha
bago mapariwara
halina't magsibangon
bansang ito'y iahon
ang tikatik na ambon
baka unos paglaon
ang dukha'y naging sawi
dahil sa hari, pari
at elitistang uri
silang kamuhi-muhi
ang pari pag nangusap
mapalad ang mahirap
huwag ka nang magsikap
may langit kang pangarap
kaya may hari dahil
diyus-diyusang sutil
sa lupa kunwa'y anghel
ngunit sa masa'y taksil
kunwa'y may dugong bughaw
silang mga bakulaw
na sa mundong ibabaw
ay naghaharing bangaw
may iba silang mundo
daigdig ng hunyango
pulos pera't maluho
at budhi'y mababaho
burgesyang talusaling
ang sa mundo'y umangkin
mga dukha'y alipin
sa sariling lupain
dahil may panginoon
kayraming panginoon
dapat ibagsak iyon
at bayan ay ibangon
dukha, mag-aklas ka na
ibagsak ang burgesya
tayo'y maghimagsik na
baguhin ang sistema
- gregbituinjr.
* nalathala sa pahayagang Taliba ng Maralita, publikasyon ng KPML (Kongreso ng Pagkakaisa ng Maralitang Lungsod), isyu ng Agosto 1-15, 2019, p. 20
Martes, Agosto 6, 2019
Soneto sa charger
SONETO SA CHARGER
"Bumili ka ng sarili mong charger," ang payo ko
sa isang kasamang pulos panghihiram ang bisyo
sabagay, wala ring pera ang pultaym na tulad ko
pakikisama na lang, huwag lang maaabuso
kaysa manghiram, mabuti nang may sariling gamit
dahil may charger kang sarili'y di na mangungulit
kung may sariling charger, di ka na mangangalabit
sa mga tawag at text, ulo'y di na mag-iinit
sadyang kayhirap naman kung malolobat ang selpon
baka maraming kumokontak sa umaga't hapon
pag walang lod, pag lobat, di ka agad makatugon
kaya sa pambili ng charger, dapat kang mag-ipon
kung kailangan mo ng charger, bumili ka naman
huwag kang umasang lagi kang may mahihiraman
- gregbituinjr.
"Bumili ka ng sarili mong charger," ang payo ko
sa isang kasamang pulos panghihiram ang bisyo
sabagay, wala ring pera ang pultaym na tulad ko
pakikisama na lang, huwag lang maaabuso
kaysa manghiram, mabuti nang may sariling gamit
dahil may charger kang sarili'y di na mangungulit
kung may sariling charger, di ka na mangangalabit
sa mga tawag at text, ulo'y di na mag-iinit
sadyang kayhirap naman kung malolobat ang selpon
baka maraming kumokontak sa umaga't hapon
pag walang lod, pag lobat, di ka agad makatugon
kaya sa pambili ng charger, dapat kang mag-ipon
kung kailangan mo ng charger, bumili ka naman
huwag kang umasang lagi kang may mahihiraman
- gregbituinjr.
Lunes, Agosto 5, 2019
Palaban ang aktibista
PALABAN ANG AKTIBISTA
“Kaysa isang katawang malaya na may kaluluwang alipin, ibig ko pa ng isang katawang busabos na may kaluluwang malaya.” – Lázaro Francisco (1898-1980)
palaban tulad ni Spartacus ang aktibista
nagsasakripisyo man, tuloy sa pakikibaka
kaysa obrerong di mulat sa loob ng pabrika
na para sa sweldo'y alipin ng kapitalista
may mukhang malaya ngunit diwa pala'y alipin
di maisip na nambubusabos ay palayasin
may kayod-kalabaw subalit nagsusuri na rin
kung paanong bayang sawi'y kanilang palayain
tinatahak ng aktibista'y bihirang daanan
pagkat pagbabagong mithi'y madawag na larangan
pagkat pakikibaka'y masalimuot na daan
pagkat ang tinatahak ay maputik na lansangan
di dapat maging alipin ang isip, puso't gawa
kundi makibaka tayo patungo sa paglaya
- gregbituinjr.
“Kaysa isang katawang malaya na may kaluluwang alipin, ibig ko pa ng isang katawang busabos na may kaluluwang malaya.” – Lázaro Francisco (1898-1980)
palaban tulad ni Spartacus ang aktibista
nagsasakripisyo man, tuloy sa pakikibaka
kaysa obrerong di mulat sa loob ng pabrika
na para sa sweldo'y alipin ng kapitalista
may mukhang malaya ngunit diwa pala'y alipin
di maisip na nambubusabos ay palayasin
may kayod-kalabaw subalit nagsusuri na rin
kung paanong bayang sawi'y kanilang palayain
tinatahak ng aktibista'y bihirang daanan
pagkat pagbabagong mithi'y madawag na larangan
pagkat pakikibaka'y masalimuot na daan
pagkat ang tinatahak ay maputik na lansangan
di dapat maging alipin ang isip, puso't gawa
kundi makibaka tayo patungo sa paglaya
- gregbituinjr.
Linggo, Agosto 4, 2019
Maralita raw ang nagdudumi sa mga ilog
maralita raw ang nagdudumi sa mga ilog
ilog raw ay sa mga basura pinalulubog
papayag ka bang maralita'y diyan mapabantog
pagkat walang disiplina't laging patulog-tulog
lagi nilang pinagbibintangan ang maralita
sanhi raw sila ng pagdumi ng ilog, pagbaha
mangmang daw kasi't walang pakialam itong dukha
silang madaling masisi, iba man ang maygawa
O, maralita, payag ka bang laging sinisisi?
ikaw lang kasi ang nakita nilang bulnerable
madaling sisihin pagkat buhay mo'y miserable
dukha'y mababa raw ang pagkatao't walang silbi
bumangon ka, maralita, tirisin ang gahaman
lumaban ka, dukha't inyong baguhin ang lipunan
- gregbituinjr.
ilog raw ay sa mga basura pinalulubog
papayag ka bang maralita'y diyan mapabantog
pagkat walang disiplina't laging patulog-tulog
lagi nilang pinagbibintangan ang maralita
sanhi raw sila ng pagdumi ng ilog, pagbaha
mangmang daw kasi't walang pakialam itong dukha
silang madaling masisi, iba man ang maygawa
O, maralita, payag ka bang laging sinisisi?
ikaw lang kasi ang nakita nilang bulnerable
madaling sisihin pagkat buhay mo'y miserable
dukha'y mababa raw ang pagkatao't walang silbi
bumangon ka, maralita, tirisin ang gahaman
lumaban ka, dukha't inyong baguhin ang lipunan
- gregbituinjr.
Mga Lider-Maralita
MGA LIDER-MARALITA
mga lider-maralita'y dapat maging matatag
nang di makimi sa demolisyon, bagkus pumalag
mga pandarahas sa kanila'y dapat mabunyag
ang mawalan ng bahay ay isdang pupusag-pusag
kayhirap kung dukha'y isdang mawawalan ng hasang
dahil ba maralita'y basta na lang tinotokhang?
dahil ba sila'y dukha, ang tingin agad ay mangmang?
dahil ba mahirap, madali silang nalilinlang?
magkaisa, magtulungan laban sa demolisyon
walang mang-iiwan, magtatag ng organisasyon
bawat isa'y mag-usap at makipag-negosasyon
ipagtagumpay ang laban hanggang sa relokasyon
pampublikong pabahay, maralita'y nais ito
pabahay ay karapatan, huwag gawing negosyo
ang dapat mangasiwa ng pabahay ay gobyerno
dukha'y uupa lang ayon sa kakayahan nito
dapat matatag ang mga lider ng maralita
sila'y makipagkaisa sa uring manggagawa
kalunus-lunos man ang lagay, di dapat lumuha
sila'y tumindig nang sa lipunang ito'y lumaya
- gregbituinjr.
* Nilikha sa pulong ng Pambansang Konseho ng mga Lider (National Council of Leaders) ng Kongreso ng Pagkakaisa ng Maralitang Lungsod (KPML) na naganap noong Agosto 2-4, 2019
mga lider-maralita'y dapat maging matatag
nang di makimi sa demolisyon, bagkus pumalag
mga pandarahas sa kanila'y dapat mabunyag
ang mawalan ng bahay ay isdang pupusag-pusag
kayhirap kung dukha'y isdang mawawalan ng hasang
dahil ba maralita'y basta na lang tinotokhang?
dahil ba sila'y dukha, ang tingin agad ay mangmang?
dahil ba mahirap, madali silang nalilinlang?
magkaisa, magtulungan laban sa demolisyon
walang mang-iiwan, magtatag ng organisasyon
bawat isa'y mag-usap at makipag-negosasyon
ipagtagumpay ang laban hanggang sa relokasyon
pampublikong pabahay, maralita'y nais ito
pabahay ay karapatan, huwag gawing negosyo
ang dapat mangasiwa ng pabahay ay gobyerno
dukha'y uupa lang ayon sa kakayahan nito
dapat matatag ang mga lider ng maralita
sila'y makipagkaisa sa uring manggagawa
kalunus-lunos man ang lagay, di dapat lumuha
sila'y tumindig nang sa lipunang ito'y lumaya
- gregbituinjr.
* Nilikha sa pulong ng Pambansang Konseho ng mga Lider (National Council of Leaders) ng Kongreso ng Pagkakaisa ng Maralitang Lungsod (KPML) na naganap noong Agosto 2-4, 2019
Sabado, Agosto 3, 2019
Pag-iinit ng mundo
PAG-IINIT NG MUNDO
sa climate change, anang dalawang tagapagsalita
ang kondisyong pag-iinit ng mundo'y lumalala
tumataas na ang sukat ng dagat, nagbabaha
nangyayari sa hinaharap ay di matingkala
anong ating gagawin kung mga isla'y lulubog?
may ahensya ba o bansang dapat tayong dumulog?
paglutas sa climate change ba'y kanino iluluhog?
may magandang mundo pa ba tayong maihahandog?
coal-fired power plants ba'y patuloy pa sa operasyon?
kumpetisyon pa rin ba imbes na kooperasyon?
ang problema ba'y kapitalistang globalisasyon?
na tubo ang una, kalikasan man ay mabaon
di lang isyung ekolohikal kundi pulitikal
ang kundisyon ng klima sa ating mundo'y marawal
kalunus-lunos, buhay ay tila di magtatagal
maaliwalas na umaga pa kaya'y daratal?
- gregbituinjr.
* Nilikha habang tinatalakay ng Philippine Movement for Climate Justice (PMCJ) ang usapin ng nagbabagong klima sa ikalawang araw ng pagpupulong ng Pambansang Konseho ng mga Lider (National Council of Leaders) ng Kongreso ng Pagkakaisa ng Maralitang Lungsod) na naganap noong Agosto 2-4, 2019
Nagbabagong klima
NAGBABAGONG KLIMA
tag-ulan na naman, di ako agad makauwi
basang-basa sa ulan, tila ako'y ibong sawi
naglutangang dagat ng basura'y nakakadiri
naglalakad sa baha kahit ito'y hanggang binti
tumataas na ang sukat ng dagat sa aplaya
pati matataas na lugar ay binabaha na
dahil ba sa basura, imburnal ay nagbabara?
o ito'y dinulot na ng pagbabago ng klima?
saan na humahapon ang mga langay-langayan?
puno ba sa lungsod ay mawawala nang tuluyan?
agila pa ba'y nakalilipad sa kalawakan?
ang nagbabagong klima ba'y di na makakayanan?
aba'y ngingiti pa kaya ng maganda ang langit?
bakit ba ang panahon ay lagi nang nagsusungit?
anong mga polisiya ang dapat pang igiit?
nang nagbabagong klima'y hinay-hinay sa pagbirit
umuulan na, nais ko nang umuwi ng bahay
sa klimang nagbabago'y paano pa mapalagay?
sa darating na panahon, paano mabubuhay?
kung sa nagbabagong klima'y di tayo makasabay
- gregbituinjr.
* Nilikha habang tinatalakay ng Philippine Movement for Climate Justice (PMCJ) ang usapin ng nagbabagong klima sa ikalawang araw ng pagpupulong ng Pambansang Konseho ng mga Lider (National Council of Leaders) ng Kongreso ng Pagkakaisa ng Maralitang Lungsod) na naganap noong Agosto 2-4, 2019
Biyernes, Agosto 2, 2019
Buhong
BUHONG
nawawala ang kakisigan pag nagiging buhong
lumalaki ang ulong parang apoy na panggatong
sikat at hinahangaan, iyon pala'y ulupong
sa kanila'y anong nangyari't sa droga ba'y lulong
nanggahasa ng dilag yaong sikat at mayaman
kaybining binibini'y kanilang pinaglaruan
ang akala yata'y kayang bilhin ang katarungan
na mga huwes at saksi'y kaya nilang bayaran
di dapat babuyin ng mga buhong ang hustisya
at di dapat manggahasa ng sinumang dalaga
dapat lang silang managot pagkat may krimen sila
huwag tayong papayag paglaruan ang hustisya
oo, nanggaling man sa putik ang ginto't dyamante
dapat igalang ng sinuman ang mga babae
gawin ang makatarungan upang di ka magsisi
ang nahatulan sa krimen ay higit pa sa tae
- gregbituinjr.
nawawala ang kakisigan pag nagiging buhong
lumalaki ang ulong parang apoy na panggatong
sikat at hinahangaan, iyon pala'y ulupong
sa kanila'y anong nangyari't sa droga ba'y lulong
nanggahasa ng dilag yaong sikat at mayaman
kaybining binibini'y kanilang pinaglaruan
ang akala yata'y kayang bilhin ang katarungan
na mga huwes at saksi'y kaya nilang bayaran
di dapat babuyin ng mga buhong ang hustisya
at di dapat manggahasa ng sinumang dalaga
dapat lang silang managot pagkat may krimen sila
huwag tayong papayag paglaruan ang hustisya
oo, nanggaling man sa putik ang ginto't dyamante
dapat igalang ng sinuman ang mga babae
gawin ang makatarungan upang di ka magsisi
ang nahatulan sa krimen ay higit pa sa tae
- gregbituinjr.
Huwebes, Agosto 1, 2019
Soneto sa payong
SONETO SA PAYONG
ayokong bumili ng payong, laging nawawala
pagkat nang pinatutuyo ko lalo't ito'y basa
sa daming iniisip, pag umalis naiiwan
matatandaan ko na lamang pag biglang umulan
kaya maigi pang mag-dyaket na lang at sumbrero
pagkat mabasa man, nailalagay ko sa bag ko
kaysa payong pag nabasa, iyong patutuyuin
at sa pag-alis, maiiwan ng malilimutin
pag kailangan ng iba, sila'y may magagamit
madalas di na naibabalik, aba'y kaysakit
ilang beses na bang nakawala ako ng payong
ilang beses na bang sa ulan ako'y sumusuong
kaya maiging mag-dyaket at sumbrero na lang
kaysa magpayong at mawalan, aba ito'y sayang
- gregbituinjr.
ayokong bumili ng payong, laging nawawala
pagkat nang pinatutuyo ko lalo't ito'y basa
sa daming iniisip, pag umalis naiiwan
matatandaan ko na lamang pag biglang umulan
kaya maigi pang mag-dyaket na lang at sumbrero
pagkat mabasa man, nailalagay ko sa bag ko
kaysa payong pag nabasa, iyong patutuyuin
at sa pag-alis, maiiwan ng malilimutin
pag kailangan ng iba, sila'y may magagamit
madalas di na naibabalik, aba'y kaysakit
ilang beses na bang nakawala ako ng payong
ilang beses na bang sa ulan ako'y sumusuong
kaya maiging mag-dyaket at sumbrero na lang
kaysa magpayong at mawalan, aba ito'y sayang
- gregbituinjr.
Mag-subscribe sa:
Mga Post (Atom)